ⅬⅫ
Okoba nogosemeria ase oborendi bwa Nyasae
(Ogoteera gwa Daudi)
Ⅰ Omoyo one nigo oganyete Nyasae bweka ase okonyora obotoereru;
ogotooreka kwane nigo gokorwa asare.
Ⅱ Ere nere bweka egetare kiane, na ogotooreka kwane,
nere orwaki rwane, tinkonyegerigwa mono.
Ⅲ Inee! Inwe mwensi, ngoika ririri moragenderere korwania omonto ore bweka,
erinde momoakere inse, inwe mwensi amo,
buna nigo are enyasi ere ang’e kogwa na orwaki rwatandokire?
Ⅳ Abanto abwo nigo bakoroberia bamoiyerie korwa ase obonene bwaye.
Barabwo nigo bakogokigwa mono gokwana oborimo;
nigo bagosesenia nebikoba biabo bosa,
korende ase chinkoro chiabo ime nigo bakoragereria.
Ⅴ Omoyo one nigo omoganyete Nyasae bweka ase okonyora obotoereru;
ogosemeria kwane nigo gokorwa asare.
Ⅵ Ere bweka negetare kiane, na ogotooreka kwane,
na egekengero kiane egekong’u; tinkonyegerigwa.
Ⅶ Ogotooreka kwane, na obonene bwane, nigo bikonyorekana ase Nyasae.
Nyasae negetare kiane gie chinguru, na obotamero bwane.
Ⅷ Inwe abanto, mwegene Omonene ase chingaki chionsi,
morentere emechando yaino;
Nyasae nere obotamero bwaito.
Ⅸ Ekeene, Mwanyabaanto nigo bare buna omooki rioka,
abanto baeire obonene nigo bare bosa;
ekero bakorengwa nigo bare abagusu;
bonsi nigo bare abagusu kobua omooki.
Ⅹ Timobaisa gosemeria obourereria, timobaisa koba nogosemeria kwa bosa ase ebinto bi’oboibi.
Onye obotenenku bwaino bwabeire obonge, timobaisa kobosemeria.
Ⅺ Nyasae okwanire ara rimo,
ee, nabeire nkoyaigwa chintunda ibere,
ng’a Nyasae nere omonyene okobua.
Ⅻ Aye Nyasae, nigo ore nobwanchani bogendererete botambe;
aye nigo ogoakana omonto koreng’ana buna emeremo yaye ere.