ⅬⅩⅣ
Ogosaba gw’okonyora okorendwa
(Ogoteera gwa Daudi)
Ⅰ Aye Nyasae, igwa eriogi riane ekero nkorera;
renda obogima bwane korwa ase omobisa oyo okongosa.
Ⅱ Imbise korwa ase emeroberio ya bobisi y’abakori amabe,
korwa ase eburu-buru y’abakori ebibe.
Ⅲ Abwo nigo bagotieria chimeme chiabo buna emioro,
amang’ana bagokwana nigo are nobororo, anga buna chinsara.
Ⅳ Korwa ase baboeete nigo bakorasa omonto otari na komocha,
bamorasa chinsara mobosokano batari nobwoba.
Ⅴ Barabwo nigo bakobeekana chinguru ase ogokora ebibe ebio barobeirie;
nigo bagokwana amo igoro y’ogotegera abande oboreba bobisi,
bagoteebania: “Ning’o torooche?”
Ⅵ Nigo bagokora emeroberio emebe, bagoteeba,
“Bono twakorire omooroberio oito omoikeranu.”
Ekeene, ebirengererio bia ime bi’omonto, na enkoro yaye, nigo bisinyete.
Ⅶ Korende Nyasae nabarase ensara yaye,
na barabwo baraswe mobosokano.
Ⅷ Nasirie abanto abwo ase engencho y’amang’ana amabe bagokwana;
bonsi abarabe bakobarora mbasingisie emetwe yabo ase ogoichana.
Ⅸ Erio abanto bonsi mbairoke,
babe bakoraria emeremo ya Nyasae
na komanya mono ayakorire.
Ⅹ Abanyene oboronge mbabe nomogooko ase Omonene na komotamera.
Abwo bare ne chinkoro chindonge mbabe bagwetogia.