Ⅷ
Obonene bwa Nyasae na engencho ya Mwanyabaanto
(Ogoteera gwa Daudi)
Ⅰ Aye Nyasae, aye Omonene oito,
erieta riao naki riakuma iga ense yonsi!
Obonene bwao nigo bogotogigwa nonya ngoika igoro.
Ⅱ Ase emenwa y’abana n’eyabakogonka
nigo kweagacheire eburi bosio bw’ababisa bao,
erinde okoiyeria ababisa bao inse na abakorusia egesiomba.
Ⅲ Ekero nkorigereria gochia igoro,
na korora emeremo gwakorete namaboko ao,
omotienyi ne ching’enang’eni, ebi kwabegete kera ekemo ase aaye;
Ⅳ omonto ’nki aisaine aye ogendererete komorengereria?
Mwanyabaanto ’nki aisaine aye okomorenda?
Ⅴ Kwamokorire koba inse kegima asore aye omonyene, Nyasae;
korende kwamoboirie obonene na amasikani.
Ⅵ Kwamobekire kogambera ebinto bionsi gwatongete;
kwabekire ebitongwa bionsi inse y’amagoro aye:
Ⅶ ching’ondi chionsi ne chiombe, amo ne ching’iti chi’orosana,
Ⅷ ne chinyoni chikoiruruka amo ne chinswe chi’enyancha,
na kende gionsi kegoetanana ase chindiba chie chinyancha.
Ⅸ Aye Omonene, aye Omonene oito,
naki erieta riao riakuma ense yonsi!