ⅩⅭⅠ
Nyasae nere omorendi oito
Ⅰ Ere oyomenyete inse y’oborendi bw’Oyore Igoro Mono,
na otimogete ase ekiriri ki’oyore Omobui,
Ⅱ oyio nigo aranyare goteeba,
“Omonene nere obotamero bwane, na orwaki rwane,
nere Nyasae one oyo nsemeretie.”
Ⅲ Ere nagotoorie korwa ase omoeto bw’omotegi,
na korwa ase amarwaire amabe agoita.
Ⅳ Ere nagotube namarionya aye,
ase chimbaaba chiaye ime nonyore obotamero.
Obwegenwa bwaye nenguba na eng’aya asore.
Ⅴ Tokwoboa okogoswa ekero kia botuko,
gose omogwe okorutwa mobaso,
Ⅵ nonya namarwaire amabe agoeta ase omosunte,
gose amabe ande onsi agoita mobaso.
Ⅶ Abanto elifu eyemo nabaisa kogwa ase rikere riao,
gose chilifu ikomi ase ensemo yao ya borio,
korende ayio tagokonyora aye.
Ⅷ Norigererie namaiso ao,
orore buna abakori amabe bakoegwa egesusuro.
Ⅸ Ekiagera kwabekire Omonene obeire egekengano kiao,
na Oyore Igoro Mono obotamero bwao,
Ⅹ amabe ande onsi tagokonyora,
na amaakwa ande onsi tagocha ase enka yao.
Ⅺ Naki Nyasae nagochikere abamalaika baye
bakorende ase chinchera chiao chionsi.
Ⅻ Barabwo nabakoimokie ase amaboko abo,
erinde togochwa okogoro kwao ne rigena.
ⅩⅢ Notache chindo na amarubi,
notiringe chindo chinsae ne chinchoka.
ⅩⅣ Naki oyo obwatanire nainche ase obwanchani nimotoorie,
nimorende, ekiagera namanyete erieta riane.
ⅩⅤ Ekero arandangerie, inche nimoitabere,
inche nigo inde amo nere ase engaki y’emechando.
Nimotoorie, naende nimoe ogosika.
ⅩⅥ Nimoisanekie nobogima obotambe
na komwoorokia ogotooreka kwane.