OBONG’AINI BWA YOSHUA MOSINTO O
SIRA
Ogochaakera
Obong’aini bwa Yeso omwana o Sira, ekio nainde kemanyekanete buna Ekiresiasitika nigo kiarigetwe ase omonwa bw’Ekeiberania n’omonto omanyekanete buna Yoshua (gose Yeso) nyuma yaye kegaonchorwa ase omonwa bw’Ekeyunani n’omochokoro oye. Egetabu eke nigo kebwate amang’ana a kare y’obong’aini bw’Abaiberania, boigo nakobeka okoegerera ase Edini y’Abayahudi ase okoorokia buna Nyasae oeire abanto baye obong’aini. Amorokererio amange are oo naria buna okoba boronge ase ogokora amang’ana amaronge, ayio akoorokigwa ase obweng’e gose obotambe goetera ase emebayeno.
Okobagwa kw’egetabu eke
Ase ogotogia obong’aini ensemo I 1:1—23:27
Ase ogotogia obong’aini ensemo II 24:1—50:21
Ⅰ
Ase Ogotogia Obong’aini
Ⅰ Obong’aini bwonsi nigo bokorwa ase Omonene, nigo bore ase are kare na kare.
Ⅱ Niing’o oranyare kobara omochanga o nyancha, gose chintonyi chi’embura? Niing’o oranyare kobara amatuko a kare na kare?
Ⅲ Inee, mboare ki bore korwa ase ense gochia igoro? Inee, obogare bw’ense ng’aki bong’ana? Obotambe bw’Enyancha ng’aki bong’ana? Niing’o omanyete okomanya kw’obong’aini? Ningo orairanerie amaborio aya?
Ⅳ Obong’aini nigo bwatongetwe gento kende gionsi konya getaratongwa, na okomanya nao kwarenge korwa kare.
Ⅵ Niing’o bw’orogetigwe oboroso bw’obong’aini? Niing’o oranyare chisemi chi’obong’aini?
Ⅶ Niing’o bworokererigwe oboroso bwe chisemi? Niing’o omanyete chimbachero chi’echisemi.
Ⅷ Noyomo bweka obwate chisemi na nigo akairansete ase ekerogo kiaye kiobonene nere Omonene
Ⅸ Nyasae omonyene nere omotongete obong’aini; ere nere omoroche na komorenga, naende omoikerania ase chigasi chiaye chionsi.
Ⅹ Chisemi igo are gati-gati ya kera egetongwa; Nyasae nigo akomoitororera chisemi omonto oyo anchete.
Ⅺ Okomoiroka Nyasae nigo gokorenta ogwetogia n’amasikani, nigo gokorenta egutwa y’omogooko.
Ⅻ Komoiroka Nyasae n’okogokia omoyo, nigo gokorenta omogooko korwa enkoro, na komenta obogima komenya chingaki chintambe.
ⅩⅢ Oyomomanyete Nyasae, oyio kaa nasesenigwe, engaki yaye y’ogokwa omonto oyio nasesenigwe.
ⅩⅣ Okomomanya Nyasae noro omochakano bwe chisemi, chisemi nigo atongetwe n’obwegenwa korwa ase enda yang’ina.
ⅩⅤ Chisemi bwebekeire oboroso bwa kare na kare gati y’abanto n’ororeria rogochia gocha ndokiine ase chisemi.
ⅩⅥ Okomomanya Nyasae obwo n’oboikeranu, Chisemi nigo akobaikerania abanto ase rigesa riaye.
ⅩⅦ Chisemi nigo agoichoria chinyomba chiabo n’ebinto bionsi abanyene enyomba baganetie ase ebiage n’amarongo abo ase rigesa riaye.
ⅩⅧ Okomwancha Nyasae nigo enga buna okobekerwa engobo y’echisemi, n’echisemi nigo akorenta omorembe amo n’obogima obuya bw’omobere.
ⅩⅨ Nyasae nigo amoroche chisemi na komorenga, agatwa buna embura na kworokia ense n’obong’ani amo n’okomanya, na kobaa omogooko baria bagosanga amo nere.
ⅩⅩ Okomomanya Nyasae n’oboroso bwe chisemi, n’echinsagia chiaye nigo chire n’obogima obotambe.
Okwerita
ⅩⅫ Okobwatwa n’obororo tiyancheiri, ekiagera obororo nigo bokorenta ogosirigwa kw’omonto.
ⅩⅩⅢ Omonto omoremereria nigo akoganya egento goika engaki egwenerete, erio omoerio oye omonto oyio nigo omogooko okomochera buna ensoko.
ⅩⅩⅣ Omonto oyio nigo agotanga amang’ana are gochia komonyora goika engaki egwenerete, erio nario abanto abange baratogie chisemi chiaye.
Obong’aini n’ogwekanya ase Nyasae
ⅩⅩⅤ Ebigancha bi’echisemi biachoire emebayeno y’obong’aini, korende abanyabibe tibari na gento, otatiga ogochecheria gochia ase chinyasae.
ⅩⅩⅥ Onye gotagete chisemi, bwatia ebirage, na Nyasae nere n’akoe chisemi.
ⅩⅩⅦ Ase igo okomoiroka Nyasae n’echisemi nokworokereria, nigo akogokigwa n’obwegenwa amo n’obwororo.
ⅩⅩⅧ Tobaisa komocha komoigwera Nyasae, gose kogenda asare n’omoyo bw’oborimo.
ⅩⅩⅨ Tobaisa koba omwerori bosio bw’abaanto, renda omonwa oo.
ⅩⅩⅩ Tobaisa koba n’obwerori ekiagera nigo oragwe na kwerentera obosooku. Omonene naorokie onsi aria are aya bobisi na kogokeeyia bosio abanto bonsi ase esinagogi, ekiagera tocheti aroro kore n’amasikani ase Nyasae, korende n’ogochecheria ase enkoro eichire n’oborimo.