Ⅰ Omonto otari komocha ase oromeme rwaye; tagwenereti gokumia ekiagera onarire ayio ng’a omochire. Ⅱ Amarimu aye tari komogambia ekiina na tari gosiria ogosemeria, amaene nigo agotogigwa oria otararusia moyo Ⅲ bwomochayi koba ang’e gochaka. Obotenenku ninki boisaine onye omonto ore omwegimeria? Ⅳ Onye akwerina, igo ere nigo akonibera abanto bande? Erio abwo bakoira omwando nigo bagosiakeria enibo eyio ase okwegokia. Ⅴ Oyio omonyene enibo, nigo arabe omoitongo ase ng’o, n’onye tari kwegokia ere omonyene? Ⅵ Monto tari ore omobe kobua omonto okweng’itiera ere omunyene. Ⅶ Ekero akorire egento ekiya, nigo akogekora mosiabano, ase igo bworokia buna are omoriri ere omonyene. Ⅷ Omonto ore n’endamwamu oyio n’omoriri; nigo akorigereria ’nse ase ogosiereria abande, Ⅸ oyio naende otari goisaneka n’ekio are nakio, n’ogochaaya okwo nigo kogosaria omoyo bw’omonto. Ⅹ Abanto bande nigo bare abang’iti mono ase ogotereka endagera emesa; Ⅺ ase igo ebinto biao tibikonyara kogoisanekia buna egwenerete, korende morue ekengwanso keria keganeirie. Ⅻ Inyora ng’a amakweri tari koganya, ngocha are engaki ende yonsi, nonya rituko tirimanyekaneti ekero orakwe. ⅩⅢ Kora aya are amaronge otarachia gokwa; kabe omoitongo, na moe buna okonyara kwao kore. ⅩⅣ Tibwerina omogooko nonya nerituko erimo. Tobaisa gotiga ensemo yao y’omogooko eyio ere enchera yogokogwenia. ⅩⅤ Rituko erimo n’obatigere abanto bande eng’eria y’ebigeri biao; enibo yao yonsi eyio kwarigirie n’ebigeri biao negabanwe ase ogoaka ekura. ⅩⅥ Ase Igo karue ekio obwate ase abande, erio bwegokie kore moyo. Korende, naende ancha koegwa, ekiagera tokwegokia ase abakuure. ⅩⅦ Omobere o Mwanyabaanto nigo okogota buna eanga, ekiagera korwa kare omobere: “Goika okwe.” ⅩⅧ Buna omote omonene oichire n’amato are machani, erio make aaroroka erinde ayande naende aseboka; nabo mwanyanto are igo, ase omobere n’amanyinga aye: oyomo nigo agokwa, naende oyonde oiborwa. ⅩⅨ Kende gionsi kerosirie nigo gekogota erio gesira, n’oyo ogokerosia nere osira n’emeremo yaye boigo. ⅩⅩ Omonto okorengereria bweka naende ore n’obong’aini nere bweka oraikeere ayio. ⅩⅪ Onde bwensi ogosoma ase enchera y’echisemi naende oyokorengereria igoro y’obobisi bwekerengerio kiaye. ⅩⅫ Rigia chisemi koreng’ana buna omotwari akorigia na koganyerera ase chinchera na koganyerera. ⅩⅩⅢ Rigereria gochia ase chitirisa chi’echisemi. ⅩⅩⅣ Chisemi nigo chire buna omonto okobera aang’e n’enyomba yaye, erio osiba eema yaye ase ekeroochi na koyesiba ase enyasi y’enyomba eyio yaye. ⅩⅩⅤ Eema yaye aang’e nere erio oikaransa ase egeikaro kiaye egetoereru. ⅩⅩⅥ Nigo akobeka abana baye ⅩⅩⅦ ekiriri eki gekomokengera omogaso, nere oikaransa n’obotoereru bwaye.