Ⅰ Toba n’okogania gotwara abana abange batari n’engencho asore; gose kwerorera abana abamura batamoirogeti Nyasae. Ⅱ Nonya kobwate abana abaange mbosa onye mbamoirogeti Nyasae. Ⅲ Abana buna abwo, tobeeka ogosemeria kwao ase bare; abange babo tobaisa gosemeria ase bare. Ekiagera omwana oyomo nigo are omuya kobua abana elifu batari nagokoonya asore. Ase engencho ende, mbuya nokwa otari namwana kobua gotwara abana batamoirogeti Nyasae. Ⅳ Enka ya abanto nabo egokiina ase chisemi chia omonto oyomo, ko bono, egeku ekegima ki’abaanto batari n’erichiko nabo ogotigara bosa. Ⅴ Amoiso ane arorire amang’ana amange buna aya; n’amato ane ategereire amang’ana amange y’ogokumia kobua ayio. Ⅵ Omorero n’outwe gati y’erisango ri’abaanto abanyabibe, gose obororo ng’a boitekere abaenenu. Ⅶ Nyasae Taaberete amamonto aria akare ayio egenete chinguru chiabo erio akagenda mamincha yaye. Ⅷ Nyasae tarorerete eamate ya Loti amaabera; baria agechetigwe n’obwerori bwabo. Ⅸ Nyasae taorogeti maabera egesaku keria kiare gochia gosirigwa, egesaku keria giatinyeretigwe inse okoba ebibe biaye, Ⅹ nonya omoganda oria bw’abasikari chielifu amagana atano narimo b’amagoro abwo basangererekanete ase aamo, bakaenenera Nyasae ase obwerori bwabo. Ⅺ Nonya ere ng’a nomonto oyomo ore omwerori, nigo erabe ogokumia mono onye oyio takoegwa egesusuro. Ⅻ Ekiagera egesusuro kia Nyasae n’ekeroro buna koreng’ana n’amaabera aye. ⅩⅢ Ere nigo akogambia kera omonto n’ogokora kwaye. Na ogosemeria gwokomoiroka Nyasae tikori okwabosa. ⅩⅣ Omonto omwegenwa nanyore aya amogwenerete koreng’ana n’amakora aye. ⅩⅦ Tobaisa goteeba ng’a: Ninyebise aare korwa ase Nyasae; erio niinyebise aase onde atanyoore gose kong’inyora! Ninyebisa ase abanto bare abange igo tinkororekana, ekiagera ribaga riane ninki ase ebitongire bitari n’omobaro. ⅩⅧ Ama bono, igoro ya igoro kegima, omosunte n’omobaso, ebio bionsi ng’a biteengechigwe ekero Nyasae arachiche. ⅩⅨ Ebitunwa amo n’oboroso bw’ense mbitengeche ekero Nyasae arabirigererie. ⅩⅩ Korende Mwanyabaanto taiyo orengereretie ayio; niing’o oranyare komanya chinchera chia Nyasae? ⅩⅪ Tobaisa goteeba ng’a: Niinsa gokora ekebe onde taiyo ondoche. Niinkora igo bobisi kegima ning’o oramanye? ⅩⅫ Naende, ninkora amaya ning’o orayatore? Ning’o mokorengia oraganye erio atebigwe amageni? Ere nigo akoganya mono aikeranie egetebanio kiaye. ⅩⅩⅢ Naboigo ase omonto okorengereria ime yaye; omonto omoriri osiriigwe nabo akorengereria ase oboriri bwaye. ⅩⅩⅣ Omwana one, ntegerere erio onyore obong’aini. Tega ogoto erio otegerere amang’ana ane. ⅩⅩⅤ Niinkoe chisemi chindito naende nkworokererie obong’aini boria bogoisaine. ⅩⅩⅥ Ekero Nyasae akorete emeremo y’ogotonga agwo ritang’ani kegima, nigo abagete kera egento ase omoroberio. ⅩⅩⅦ Erio Nyasae akaa kera egetongwa omoroberio goika kare na kare kera ekemo ase omoroberio oyio. Korwa agwo goika reero iga kera ekemo nkeremeiri kobwata omoroberio oye. ⅩⅩⅧ Kende nkeiyo nonya n’ekemo kegotwomana n’ekende, na kera egento kiaigwera Nyasae. ⅩⅩⅨ Magega yayio, ekero Nyasae akorire aya onsi, akayerigereria ense akayeichoria n’ebinto biaye ebiya. ⅩⅩⅩ Nigo atubete ense nebitongwa bia kera engencho, ebio bigokwa na koirana ase riroba.