Ⅰ Nyasae nigo atongete Mwanyabaanto korwa ase amaroba, naende Mwanyabaanto nairane ase riroba. Ⅱ Nyasae nigo aroberetie amatuko Mwanyabaanto akomenya ase obosio bw’ense; na kobaa chinguru chi’okogambera kera egetongwa ase ense yonsi. Ⅲ Nigo abaete chinguru buna echiaye ere omonyene, ekiagera nigo atongete Mwanyabaanto ase omobwekano oye ere omonyene. Ⅳ Erio Nyasae akabikora ebitongwa bionsi bimoiroke Mwanyabaanto, erinde akaa Mwanyabaanto chinguru igoro y’eching’iti chionsi chi’orosana amo n’echinyoni chikoiruruka. Ⅵ Erio Nyasae akaa Mwanyabaanto chimeme, amaiso n’amato, erinde akabaa n’omoyo bw’okorengereria. Ⅶ Na Nyasae akabaichoria n’echisemi, abaorokererie okomanya na koigwa gati y’amaya n’amabe. Ⅷ Erio naende Nyasae akabeka nere eriso riaye ime yabo ase okobookia obosibore bw’egasi yabo. Ⅹ Mwanyabaanto nanyore ribaga ri’okoritogia erieta richenu ria Nyasae, na koraria obosiani bw’ememo yaye. Ⅺ Nyasae akabaa bosio bwabo chisemi, na kobaa ebirage bi’obogima. Ⅻ Erio akabakora nabarabwo babe n’egetebanio gia kare na kare, na kobamaanorera ebirengererio biaye. ⅩⅢ Erio amaiso abo akarora obonene bwaye, na mato abo akarora obonene bw’eriogi riaye. ⅩⅣ Nyasae akabateebia iga: “Timobaisa gokora bobe bonde bwonsi,” erio akabateebereria enchera bakomenya n’abamate babo. ⅩⅤ Nyasae nabo aroocche orogendo rwa Mwanyabaanto; mbakonyara kwebisa bosio bwaye. ⅩⅦ Obekire omogambi bosio bwa kera egesaku, korende Israeli n’obotenenku bwa Nyasae omonyene. ⅩⅨ Amakora y’abanto onsi nigo are maiso marore ase Nyasae, na kende gionsi Mwanyabaanto agokora ere nigo agokerora bosio bwaye. ⅩⅩ Obobe bwa Mwanyabaanto tibori konyara kobiseka bosio bwaye. ⅩⅫ Ekengwanso ki’omotaka nigo kenga omoori asare. Ere nigo akobwaterera amakora amaya buna ebioge bie riso riaye. ⅩⅩⅢ Agwo magega n’ababekere kobaakania egesiomba kera oyomo ekemogwerete. ⅩⅩⅣ Korende, baria bamoitabete omokia nabae enema baria abakuure emioyo abae ogosemeria erio bamoiranere. ⅩⅩⅤ Inchuo ase Nyasae, tiga gokora ebibe, saba ase obosio bwaye na otige amamocho ao. ⅩⅩⅥ Moiranere Omonene n’otigane amabe ao; gecha ekebe n’omoyo oo bwonsi na tiga ogokora gwokogechia. ⅩⅩⅦ Agwo ase omosunte ning’o oratererie Omonene Nyasae? Mbaria boka bare moyo baranyare komwakera buya. ⅩⅩⅧ Abakuure na bataiyo naende tibakonyara komotogia Nyasae; mbaria boka bare moyo naende bare buya, abwo nabwo boka baramotogie. ⅩⅩⅨ Naki amaabera a Nyasae akare amanene, naende naki okwabera kwaye okonene ase baria bakomoiranera. ⅩⅩⅩ Ntwe Mwanyabaanto titokonyara gotwara kera egento keria toganetie; ekiagera intwe twensi n’ebitongire biria bigokwa. ⅩⅩⅪ Ngeto ki naende gekomesa buna risase? Nonya nabo risase narirorio nkonyoora rire enyakoira. Korende, Mwanyabaanto oyio oyio ore egetongwa ere nigo akorengereria amabe oka. ⅩⅩⅫ Nyasae nigo akoyetarera enuko y’abasikari baye ba igoro, korende Mwanyabaanto nigo are orotu bosa amo n’eribu.