Ⅰ Omonto nabo aratogonyerwe ase engaki etagweneretie; ogokira nkore okwo gokworokia ng’a omonto nare n’echisemi. Ⅱ Korende nigo ere buya komoonya omonto kobua koba n’obororo nere. Ⅲ Omonto ogwancha amamocho aye oyio nigo agwetanga korwa ase okoragererigwa. Ⅳ Buna ere akong’u ase omosacha entang’ana kogania omoiseke, naboigo ere akong’u ase omonto konacha ekiina n’egekuba. Ⅴ Omonto nare ekero akirire kiri okororekana koba n’echisemi; n’oyonde kogechwa ase engencho ng’ere n’omogenki, oria omobe kegima. Ⅵ Omonto onde nere okira kiri ekiagera tari na gento agoteeba; ekiagera namanyete engaki egwenerete ekero omonto agokwana. Ⅶ Omonto ore n’echisemi nakire kiri takwana goika engaki egwenerete; ko bono, omonto omoetania naende omoriri tari komocha engaki egwenerete komocha. Ⅷ Omonto ore n’amang’ana amaange nere n’agechwe, na mono kegima oyo otari koa bande ribaga ri’ogokwana. Ⅸ Omonto nabo aranyore egesio korwa ase emechando, naende nabo ekonyarekana ng’a kiarentire emechando. Ⅹ Nkereo ekeegwa getakoretere ’ng’eria ende yonsi, korende nkereo ekeegwa kende kerarete eng’eria ara kabere. Ⅺ Engaki ende ogosikwa nigo kogosiria enibo. Korende naende mbareo abanto bande banyoorire ogosikwa korwa ase atagwenereti. Ⅻ Omonto okogora egento ase ogoaka rigori goika riakea, korende oyio chingaki chinde onyoora ng’a oakanire ara gatano na kabere goetania. ⅩⅢ Ekero omonto anachire ekiina n’echisemi, oyio nigo agosikwa ase chisemi chiaye naende bwenyorera abasani abaange, korende obuya bw’omonto omoriri nigo bore bosa kegima. ⅩⅣ Ekeegwa ki’omonto omoriri, tigegokobwenera gento, ekiagera nigo akogania amange korwa ase ore, gose tari aganto. ⅩⅤ Omonto bun’oyio nigo agokoa egento gekeigo, korende bwetogia, na koraria aria onsi agokoreire. Ere nigo agokoa singo reero, mambia yaye ogania omoiranerie. Omonto bun’oyio nigo akogechia mono. ⅩⅥ Omonto omoriri nigo agoteeba iga: “Tindi na mosani. Onde tari okong’akera ng’a mbuya mono ase obuya bwane. Nigo bakoria endagera yane, ekero baigotire bachaka gonkwana bobe.” ⅩⅦ Namaa! Oyio nigo akogenderera gochecherigwa n’abange. ⅩⅧ Nigo ere buya omonto goterererigwa kagotamboka gochia nyomba na kogwa, kobua ogoterererigwa kw’oromeme; ogosirigwa kw’abanyabibe nigo kore bwango mono kegima. ⅩⅨ Omonto otari goaka buya ase keria akorereirwe, gose anyoorire; omonto oyio nigo anga buna emegano etarochi nchera, eyio ekona koganwa n’abanto abariri baria bakona koyeirorera. ⅩⅩ Ekero emebayeno ekorwa ase omonto omoriri teri gwancheranwa, ekiagera teri gokwanwa ase engaki egwenerete. ⅩⅪ Omonto nabo agotangwa gokora ekebe ase engencho are omotaka, ase igo nigo agotimoka ekiagera tari na kende agweiteria. ⅩⅫ Omonto nabo arasirie obogima bwaye bwonsi, ekiagera ere akorora obosooku; gose abosirie ase okwoboa abanto. ⅩⅩⅢ Onye kogokora egeteebanio n’omosani oo ase okorara bobe komosokia, aye gwakorire omonto oyio koba omobisa oo bosa. ⅩⅩⅣ Oborimo n’ekemoa ekebe kegima ase chimbwa chi’omonto, korende eke nakio abanto abariri bagokora botaambe. ⅩⅩⅤ Mbuya omonto koba omoibi kobua koba omonyaborimo; korende aba bonsi babere goika basire kegima. ⅩⅩⅥ Chimbwa chi’onagokwana oborimo nigo chikoreta ogocharangia, okwo gokobao ase engaki etaambe ase oria ogokwana oborimo. ⅩⅩⅦ Omonto ogokwana n’echisemi, oyio mbuya are; oyore n’echisemi nigo akogokia abanto bare n’engencho. ⅩⅩⅧ Omonto okorema na gosimeka endagera, nigo akonyoora rigesa rinene; erio ogokia baanene baye, na kwenyoorera oboronge. ⅩⅩⅨ Amasoya nigo agoukoria abare n’echisemi, ekio n’egesibo ki’omonwa gekoginga omonto takora amabe. ⅩⅩⅩ Inee! Chisemi chi’obobisi ninki chisaine? Chisemi buna echio mbosa. ⅩⅩⅪ Mbuya omonto kobisa oboriri bwaye, kobua omonto kobisa chisemi chiaye.