Ⅰ Omwana one. Inee! Gwakorire ekebe? Tokora ekebe naende. Ko bono saba amaabera ase aria gwakorire. Ⅱ Tama ekebe buna koreng’ana ogotama eng’iti; ekiagera oise gosukerera eng’iti goika ekorome. Amaino y’ekebe igo anga buna amaino y’Endo. Ekebe nigo kegosiria emioyo y’abanto. Ⅲ Okobuna ebirage nigo konga buna omoro otieririe chinsemo chionsi, omoro buna oyio oise kogokeba nigo okoroisia riote ritari kogwena. Ⅳ Okogosereria amo n’oboiti nigo bigosaria enibo; enyomba y’omonto omwerori nigo ekorenta obosooku. Ⅴ Ogosaba kw’omotaka nigo gokoigwekana as Nyasae, n’okoiraneria kwaye nigo kore bwango mono kegima. Ⅵ Omonto okwanga kogorororwa ekero are ase ebibe, korende oy’omoirogete Nyasae nigo akweitia omoyo oye ime. Ⅶ Omonto nabo arabe ogokwana n’obong’aini na komanyekana gochia aare, korende nigo akoraua n’oyore n’echisemi. Ⅷ Omonto okwagacha enyomba ase chifeta chi’abaanto bande, igo anga buna oy’ogosangereria amagena y’embera yaye. Ⅸ Omosangererekano bw’abakori amabe, nigo onga buna engori egwoka agwo ase baraumerane kw’omorero ekerage okobumbucha. Ⅹ Eng’eria y’omokori amabe nigo eroosegete buya, korende enchera eyio nigo ekoerera ase engoro y’amakweri. Ⅺ Onde bwensi okobwatia ebirage oyio nigo agamberete ebirengererio biaye; chisemi N’oboikeranu bw’okomomanya Nyasae. Ⅻ Omonto otari nasemi, oyio nomosomia tari koigwa. Korende koba n’echisemi n’okomenta obororo. ⅩⅢ Emeroberio y’omonyene chisemi nigo ekomentekana buna okoyaaba kw’amache ekero gi’etoigo. N’ogosemia nigo konga buna ensoko entuboka. ⅩⅣ Chisemi chio omonto omoriri nigo chinga buna egetaabo kebochogete, kende gionsi omonto oyio agosoma nigo kegoeta rioka getari kogoma, erinde giasira kegima: tari kobwata gento. ⅩⅤ Ekero omonto omong’aini akoigwa ring’ana ri’echisemi nigo akoritogia na korimenta kegima. Korende omonto osirete ekero akoriigwa nigo akorisiereria, na koritugutera aare kegima. ⅩⅥ Engambo ya abanto abariri igo enga buna egurube omonto abogoretie nchera kogenda; korende omogooko nigo okonyorekana korwa ase ebirengerio bi’omonto omong’aini. ⅩⅦ Ase omosangererekano abanto nigo bakorigia ebirengererio bio omonto omong’aini; na barabwo nigo bakoarigania amang’ana aya ase emioyo yabo ime. ⅩⅧ Ase omonto omoriri chisemi nigo chinga buna enyomba yagure; n’emeroberio y’omonto omoriri igo are amang’ana atari na moroberio. ⅩⅨ Ase omonto omoriri ogosoma nigo konga buna egesibo kere magoro, enga buna efeta ase okoboko okorio. ⅩⅩ Omonto omoriri nigo agoseka n’eriogi, korende omonyene chisemi nigo akona goseka ng’ora igo. ⅩⅪ Omonto omoririri nigo agoseka gochia igoro n’eriogi, korende ase omonto ore n’echisemi nigo akona goseka ng’ora igo. Ase omonto ore omong’aini chesemi nigo chinga buna ebonyi y’amagena ’amaabera, nigo enga buna ebonyi ase okoboko kwaborio. ⅩⅫ Omonto omoriri nigo akoayerera gosoa gochia nyomba mwabande, omonto omong’aini nigo akoganyera gesieri n’amasikani. ⅩⅩⅢ Omonto omoriri nigo akoayerera gosoa ime y’echinyomba chiabande; Korende ase omonto ore n’echisemi nigo akoganyera isiko n’amasikani. Omonto otari n’echimbwa chingiya nigo agosiomeria gochia nyomba mwabande, korende oyore n’amasikani, nigo akoganyera isiko. ⅩⅩⅣ Nigo ere chimbwa chimbe ekero omonto agotegerera amang’ana y’abanto bande ase ebisieri biabo, korende ase baria bare n’obong’aini gokora egento buna ekio n’obososku obonene kegima. ⅩⅩⅤ Abanto abetakori nigo bachete konakoirorera amang’ana aria baigure korwa ase abanto bande, korende baria bare n’obong’aini nigo bare n’amang’ana are n’echinguru. ⅩⅩⅥ Ekerengererio ki’abaonto abariri nigo kere ang’e n’emenwa yabo, korende eki bagoteeba abanyene chisemi nigo gekorwa ase ebirengererio biabo. ⅩⅩⅦ Ekero omonto omobe akoragereria ekerecha, nigo akweragereria ere omonyene. ⅩⅩⅧ Omonto omwemurungania nigo agosaria obogima bwaye ere omonyene, naende kera omonto ase eamate yaye nigo amogechete mono kegima.