Ⅰ Omonto omobe nigo akoreng’anigwa n’erigena rire n’eubi; kera omonto komorora omonto buna oyio nigo akweringa ase engencho y’obososoku bwaye oyio. Ⅱ Omonto omobe nigo arabwekanigwe n’orosao rw’amabi; Kera omonto okorokuna orosao orwo nigo akoyaserera aare Ⅲ N’okoragererigwa ase omonto ore n’baana ko otaari n’amasikani, n’okoibora kw’omwana omwana omoiseke otari n’echimbwa chingiya nigo enga ogosirerigwa. Ⅳ Omoiseke bw’echimbu chingiya nigo akonyora omosacha, ko bono, oyogokora amang’ana amabe nigo akorenta obosooku ase ise. Ⅴ Omoiseke ore n’echimbu chiimbe nigo akorentera ise gose omosacha oye obosooku, na nigo arasierererigwe na bosi babere. Ⅵ Kogambia abana bao chingaki chinde nabo enga buna omonto ogotereria abanto bare ase ebirero. Koa abana egesusuro na kobagambera ase obuya nigo ere egento kiengencho enene mono kobwa. Ⅶ Goteema komosemia omonto omoriri nigo enga buna kobekerania chindogio chi’enyongo ase okoyebarera, gose igo enga buna gotura omonto oraire n’ore n’echitoro chinyinge mono kegima. Ⅷ Koeresa omonto omoriri egento nigo enga buna nigo okoeresa omonto oraire chitoro; ekero gwakoorire koeresa omoriri oyio naende okoboria: “Ninki buno kware goteeba?” Ⅸ Oyo kworokereria omonto omoriri, oyio nigo anga buna omonto ogosangereria ebigonkorio, gose buna oy’otura omonto ore n’echitoro erinde amosabe singo. Ⅹ Onde bwensi okoganera omoriri omgano, igo enga buna gokwana n’omonto ore n’echitoro chindito. Ⅺ Moreere oyo kure ekiage ere tari goikeera borabu bonde; naende moreere omonto omoriri ekiagera tari na semi. Tobaisa komoreera moono omonto okuure ekigera ere otimokire; korende moreere omonto omoriri, ekiagera obogima bwaye n’obobe kobwa amakweri. Ⅻ Ebirero nigo bigokorwa ase amatuko atano n’abere, korende ebirero bi’omonto omoriri oyo otamomanyeti Nyasae, nigo akobosiria obogima bwaye bwonsi ere omonyene. ⅩⅢ Tobaisa konakogamba n’omonto omoriri; gose komobeera omonto otari na semi. Mwebachere erio nario nere aranyare gwetanga korwa ase emechando; erio ekero ere aresibie, aye nobe n’eubi. Mwebachere omonto omoriri erio nario naye oranyore omorembe, gose tobaisa korosigwa n’obobarimo bwaye. ⅩⅣ Ngento ki kere ekerito kobwa embende? Erieta ri’egento buna ekio nigo gekorokwa “Ekeiriri!” ⅩⅤ Okobogoria amaroba, omonyo n’echuma nigo bire buya kobwa komoremereria omonto omoriri. ⅩⅥ Esiro ere n’oboroso obokong’u ase enyomba, omotengecho bw’ense noocha tokonyara koyeiyeria. Naboigo, n’omoyo oteneine bokong’u naende obwate oboroso bw’oboroso bwe chisemi tokoba nabwoba nonya na ase engaki y’emechando. ⅩⅦ Omoyo okong’igwe n’ebirenererio bi’echisemi nigo onga buna orwaki rochabeire. ⅩⅧ Amagena amake ayio abakereire igoro y’orwaki tagotigara aroro agwo ekero ekerambauti kegochicha. Ase enchera buna eyio eyio n’omoyo n’ebingererio bi’oboriri; tokonyaro keremereria ayagocha korwa ase obobe buna obwo. ⅩⅨ Oise gotongia eriso riao, nigo rikorera na korwa amariga; naboigo oise koara omoyo oo nario ereigwere obororo boreo. ⅩⅩ Oisekoruta chinyoni amagena nigo ogochiseria; n’ekero okomotogonyera omosani oo, oise gokora bo, igo kwabunire obosani bwao amo nere. ⅩⅪ Nonya gwaikigwe gotwara enkwano enkong’u n’omosani oo, tokwa omoyo; ekiagera naende nabo obosani bokogorororwa naende bobeo ⅩⅫ Onye gwakwanire egento ekebe igoro y’omosani oo, toiroka ogonsonsoranigwa nkoreo naende nabo gokonyarekana. Korende ogokwana amang’ana abosi na koraama amo n’obwerori, n’okobasagania abande mosiabano, ebio nabio ebinto bigoseria abasani. ⅩⅩⅢ Tiga omoamate oo akwegene ekero are n’obotaka bwaye, erio bwegokie amo nere chingaki akonyora ng’eria ende yonsi. Mokoonye ekero akonyoora emechando, erinde naye n’onyore eng’eria korwa ase ensemo yaye eye araegwe. ⅩⅩⅣ Erioki n’ekiorokerio ki’omorero, oroguto n’erioki ri’omorero okogakara nigo bigotang’ana gochicha. Ase enchera eyio eyio, n’okorama nabo kore buna ekemanyererio kiamakweri. ⅩⅩⅤ Tinkoba n’obosooku ase okomorenda omosani one, gose tinkonyara kwebisa korwa asare. ⅩⅩⅥ Korende omonto aise kogera ’mbe n’emechando ase engencho nchera ende yonsi, onde bwensi oraigwe amang’ana ayio nigo arabe omorendi one gochia ase omonto buna oyio. ⅩⅩⅦ Niing’o orambekere omorendi ime ase monwa one, na kombekera ekemanyererio kiobong’aini, erio ebikoba biomonwa one tikora okomocha, Oromeme rwane tirobaisa gonsiria.