Ⅰ Obong’aini nigo bogwetogia obonyene na kweimokereria igoro ase egati ya abanto baye. Ⅱ Inabwetogie ase obosio Omonene inabwetogie ase obosio bw’emeganda bogoteeba, Ⅲ Inche nering’ana korwa ase omonwa oye ere oyore igoro mono oyio okengerete ense buna ritatuuri. Ⅳ Obomenyo bwane nigo bwarenge igoro, ekerogo kiane ase chisiiro chiamare. Ⅴ Inche omonyene nigo naetete ase ense eetananete boigo ngaeta inse y’ense. Ⅵ Igoro ase emerindo yechinyaancha chi’ense engima, nigo nkogamba ase egati ya abanto ne chinse chionsi. Ⅶ Inche nigo naetete ase onsi nkorigia ase ngoikaransa, ensemo yense ase ndaroisie obomenyo bwane. Ⅷ Agwo ere oria Omotongi o bionsi akang’a ogochika; ere oyio ontongete akandobereria ase inche ndabeeke obomenyo bwane. Ere aganteebia, “Roisia obomenyo bwao ase enyomba ya Yakobo, bogoria ensemo yao ase Israeli.” Ⅸ Ere nigo antongete korwa agwo omochakano, igo inche nimbeo kare na kare naende tinkorwa ase oboiko bw’ense. Ⅹ Inche nigo nabete nkomokorera ase obomenyo bwaye obochenu, inche ngakong’era agwo ase egetunwa gia Sayoni. Ⅺ Ere akambeka ntimoke ime ase omochie oye omwanchwa, obomenyo bwane nigo bwarenge agwo ase omochie o Yerusalemu. Ⅻ Inche nkabeeka emeri yane inse ase abanto abasike, ensemo yane ase abanto baye ere Omonene. ⅩⅢ Inche ngatambea mono buna emeharuni ya Lebanoni, ee buna ebirobo bie egetunwa kia Herimoni. ⅩⅣ Ngatambea buna emekendo ya Engedi, buna amaua yobwanchani a Yeriko, buna emesabibu ekogokia erandete ase omogondo, buna emete ye chindeege emerete rooche mbarabare. ⅩⅤ Inche ngatioka buya buna ogwansa kwa udi na ubani egotongiwa ase Hekalu. ⅩⅥ Buna omoaluni nkarambora chinsagia chiane nokwegokia amo nobwari. ⅩⅦ Ingaseboka buna omosabibu na ogosiicha kwane gokarenta okwama kwa amatunda amange. ⅩⅨ Inchwo asende mwensi abwo morang’ete morie na koigota amatunda aane. ⅩⅩ Inwe inamoinyore buna obwansu bwane boire obuya buna obooke, ee obosanonoku buna oboke korwa ase amachoe. ⅩⅪ Indie na inwe morang’e kegima; inywe inche nainwe ina mondang’e mono. ⅩⅫ Oyoranyigwere inche ere tagosookigwa nonya ng’ake, ere oyore nainche tagosoa ase ebibe. ⅩⅩⅢ Aya onsi namachiiko y’Omonene Nyasae ore igoro, ayio Musa atochiigete koyatunyana. Eyio nereo ensemo abanto b’egesaku kia Yakobo baetwe. ⅩⅩⅤ Ogochika nigo gokobanyitororeria abanto obong’aini buna orooche rwa Eyufurate, boigo buna orooche rwa Tigiri ase chingaki chintang’ani chi’okwama amatunda. ⅩⅩⅥ Ogochika nigo gokobaichoria chisemi buna orooche rwa Eyufurate, ee buna orooche rwa Yorodani ase chingaki chi’erigesa. ⅩⅩⅦ Nigo rigokora amorokererio yamesa buna risase, buna Gihoni ase chingaki chi’ogotora amasabibu. ⅩⅩⅧ Omonto bw’eritang’ani tanyaarete komanya obong’aini boronge, boigo omonto bw’omoerio takonyaara komomanya. ⅩⅩⅨ Ekiagera ebirengererio biaye nebinge buna amaache y’enyaancha nogotebereria kwaye nigo kobwate obotambe kobua endiba ya amaache are inse yense. ⅩⅩⅩ Inche nigo nesogetie buna emberesi ya amaache agosiarerwa mogondo. ⅩⅩⅪ Ingateeba, “Inche ninyaare konyonsia amatunda y’omogondo one na goichoria emetaro yaye.” Rora omomberesi one okaba orooche, na orooche rwane rokaba enyancha. ⅩⅩⅫ Bono ninyaare komesia amorokererio aane buna ogotonga kw’erioba, ninyamesie arabe goika aare. ⅩⅩⅩⅢ Naende ninyaare gotononkeria amorokererio aane buna obobani erio mbotigere ebiare bigochia goocha. ⅩⅩⅩⅣ Komoranche inwe inyora buna inche tinakorete emeremo eyio yonsi ase ogwekorera inche omonyene; korende buna inyare gokoonya onde bwensi origetie kworokererigwa obong’aini.