Ⅰ Omoibori bwanchete omwano oye nigo akomogambera n’ekeranya engaki ase engaki, erio anyare komwetogeria ekero akinire. Ⅱ Oyo okogaambera momura oye ekio n’egento kiengencho kegima, oyio ng’anyore eng’eria yaye korwa ase are. Onyio ng’anyera gwetogeria omwana oye maiso marore. Ⅲ Omonto okworokereria omwana oye nigo akogera ababisa baye bamoigwera endamwamu, na kogwetogeria omwana oye bosio bw’abasani baye. Ⅳ Ekero omoibori oyio are moyo nigo akwegokeria omwana oye, nonya n’ekero ise akuure nigo arabe buna oyotakweti; ekiagera otigire omomura omobwekaine. Ⅴ Ekero ise arenge moyo, nigo agokirie nere, n’ekero ise akuure tari koba n’ogokumia. Ⅵ Otigire omonto orenge gocha goakana ababisa baye egesiomba magega, nere oyio oraakane abasani baye amaya. Ⅶ Omonto okworokia omwana oye amabe, nigo arabe n’emeremo y’okoboerera amaote, na ase kera ekere ase omoyo oye nigo kerakogose bose. Ⅷ Ebarasi yorokererigwe bobe nigo ekoba eng’enenenu, n’omwana otarokoreirie chingencho chingiya nigo araonchoke koba omoenenenu. Ⅸ Onakwebereria omwana oo, nere nakoirianyekie, konagokora echeche amo nere nagere oirianyeke. Ⅹ Onye tibwancheti omonto takonagosekaseka nakoragera nere; omoerio oye nigo n’agochande goika oche korianania amoino. Ⅺ Totiga omonto akore buna aganetie ekero are omwana, naende gose totiga komogororora ekero akorire bobe. Ⅻ Aaka omwana ebiranya kare omoke, onye taibo, nigo araenene erio atige gokoigwera, arabaisa kogochanda omoyo. ⅩⅢ Orokereria omwana oo chimbu chingiya erio abe omoremereria, erio tobaisa konyora obosooku korwa ase oboriri bwaye. ⅩⅣ Mbuya koba omotaka, korende kore n’obuya bw’omobere n’echinguru, kobua koba omotenenku korende ochandegete n’amarwaire ase omobere oye. ⅩⅤ Obuya bw’omobere n’echinguru n’ebiya kobua amagena ’amaabera; omobere ore n’echinguru n’omuya kobua obotenenku obonge. ⅩⅥ Botenenku tibori bore obuya kobua obuya bw’omobere, na mogooko tori ore omuya kobua omogooko. ⅩⅦ Amakweri n’amaya kobua obogima bw’emechando, naende gokwa na gotimoka kobua oborwaire botari kogwena. ⅩⅧ Koa omonto endagera otari konyara koragera, nigo enga buna okobekerera endagera eyio igoro ase embeera. ⅩⅨ Inee! Ekengwanso ninki kegwenerete gochia ase emegwekano eyio etanyare koria gose kogetiokerera? Nabo bono ere igo ase omonto ochandire na Nyasae. ⅩⅩ Omonto oyio nigo akorora n’amaiso aye ere omonyene na goita ebikoe, buna omosacha riteba riabwatire omoiseke omwekuungi rigoita egokoe. ⅩⅪ Tagwetugutana aye omonyene gochia ase amagombo, gose kwea obororo aye omonyene n’ogwancha. ⅩⅫ Omogooko nigo okoa obomoyo emiaka emenge; omogooko noro okoa obogima amatuko amange. ⅩⅩⅢ Egokie ase okoba omotoereru bw’omoyo; beka amagombo aare naye. Ekiagera amagombo aitire abanto abange, gose tari nang’eria ende ase obogima bw’omonto onde bwensi. ⅩⅩⅣ Endamuamu amo n’obororo nigo bikweng’eyia obogima, ogosegasega nigo bikogera omonto ogota bwango. ⅩⅩⅤ Omonto obwate omoyo omuya naende omworo, nigo akogokera endagera eria akoria.