Ⅰ Ere oria obwatete amachiiko orure okorua okonene. Ⅱ Ere oyokobwatia amachiiko orure esadaka yomorembe. Ⅲ Oria okoiraneria buna mbuya mono orure esadaka yechinyeke chinchenu; Ⅳ nere oria ogokoonya abataka orure esadaka yokoiraneria buna mbuya mono. Ⅴ Ogotiga obobe nigo gokogookia Omonene, na gotiga amabe nokwerentera okobwatana. Ⅵ Ekengwanso ki’omonto omonyaboronge nigo kegochena egesasiimero, n’erimisu rigiya nigo rigotira gochia ase oyore igoro mono. Ⅶ Ekiagera ebinto ebi bionsi nigo biganirie kobwatekana nogochika; Ⅷ esadaka yomonto omoigweri nigo egoaka egesasiimero amaguta na ogotioka kwaye okuya kwariina goika ase obosio Omonene. Ⅸ Esadaka yomonto omoigweri nigo egwancherwa; nero tekwebwa kare na kare. Ⅹ Moimokererie Omonene igoro ase omoyo omorabu, gose tobaisa koba omong’iti ase ogotongora kwe rigesa riao. Ⅺ Orwe ebiegwa biao bionsi ase omoyo omorabu, ochirwe chisadaka chiao chionsi ase omogooko. Ⅻ Moe Omonene buna ere akoeire, orwe koreng’ana buna aye obwate. ⅩⅢ Ekiagera Omonene nere oakanete nere nagoakane ara gatano na kabere (7) ⅩⅣ Tobaisa goteema komoa riaki ekiagera ere takoira; ⅩⅤ gose tobaisa gosemeria chisadaka kwanyorire ase obong’ainereria. Ekiagera Omonene n’omonachi ebiina gose ere tabwati ogwanchereria. ⅩⅥ Omonene takoorokia ogwanchereria ase abataka; ekero oria omocheire agosaba nigo akomoigwa. ⅩⅦ Ere tari gosiereria amasabo yechintakana, gose amasabo yomoboraka ekero akomotebia omogano oye. ⅩⅧ Amariga yomoboraka nigo agoiteka ase chimboto chiaye, ⅩⅨ ase okomosoera ere oria omorenteire emechaando yaye. ⅩⅩ Ere oria okomokorera Omonene ase okomogookia nigo agwancherwa nere, ogosaba kwaye inagoike igoro.