Ⅰ Aya naro amang’ana otarorere obosooku koyakora, gose tokora ebibe ase okwoboa egento abanto barateebe: Ⅱ Tobaisa korora obosooku ase ogotunyana amachiiko y’Omonene amo n’okobwatana kwaye, tobaisa korora obosooku ase okobanachera ekiina kia boronge abare abamochi. Ⅲ Tobaisa korora obosooku ase okomokorera omokori emeremo omino gose omoeti, boigo ase okogabana omwando nomosani. Ⅳ Tobaisa korora obosooku ase ogokorera ebinto biokorengera bi’ekeene, Ⅴ kwenyoorera ebitoki ase abaonchoreria, koborokereria abana amasikani amanene, komoaka ebiranya omokori emeremo omobe. Ⅵ Onye omokungu oo tari omwegeenwa, aye omobise amang’ana ao, na ase abanto abange aye osiekere ebinto biao. Ⅶ Aye omanye ekerengo gia kera egento okorwa, omanye ekerengo nomobaro oye, obeke ase amariiko okobwatana nobokoreri. Ⅷ Torora obosooku komworokereria omoriri na oria otamanyeti gose omogaka okwomana na abasae. Agwo aye tokoba rioka kworokereriigwe, aye nonyoore ogwancherwa ase abanto bonsi. Ⅸ Omogaka obwate omoiseke nigo akogeesa bobisi ase engencho yomoiseke oye; chitang’utang’u chiaye ase omoiseke oye nigo chikomorina chitoro. Ⅹ Ekero are omoiseke, ise nigo akwoboa buna nigo ere arasarigwe, gose nabaisa konyora oborito ekero ere are ase enyomba yaye; naende ekero asookire ise nigo akwoboa buna nigo arabaisa koba omogomba. Ⅺ Omorende mono omoiseke omoenenu, onye taribo ere nagere osekererwe na ababisa bao, aye obe gokogambwa na oyore nerieta ribe ase abanto, akorentere obosooku ase risango riabaanto. Ⅻ Tobaisa komogorera obuya bw’omoto onde bwensi, gose goikaransa kogamba nabakungu. ⅩⅢ Ekiagera esukubi nigo egosoka korwa ime yechianga, na obobe bw’omokuungu nigo bokorwa ase omokungu. ⅩⅣ Obobe bw’omosaacha nigo bore gaigai kobua obuya bw’omokuungu; omokungu nere okorenta obosooku na amachaaya. ⅩⅤ Bono inche nimbainyorie emeremo y’Omonene na koraria aria narorire: emeremo y’Omonene nigo egokoreka goetera ase ring’ana riaye. ⅩⅥ Risase nigo rikomoreka kera egento kere inse yokomoreka kwaye, emeremo y’Omonene nigo eichire obonene bwaye. ⅩⅦ Tari oyomo ase abamalaika b’Omonene oranyaare gwatora amakora aye onsi yogokumia ay’Omonene atenenirie. Erio ense etenene bokong’u ase obonene bwaye. ⅩⅧ Ere nigo akorigereria emerindo n’echinkoro chia Mwanyabaanto, na korora emeroberio yaabo emebe. Ekiagera Omonene nigo amanyete chisemi chionsi chiria, naende nigo amanyete ebimanyererio bie chingaki. ⅩⅨ Ere nigo akoyararia aria abeire na aaria agochia goocha, naboigo kobisioria rinde rionsi ribisegete. ⅩⅩ Tikeiyo ekerengererio keramoete, tiriri nonya nering’ana erimo riranyaare kwebisa are korwa ase are ere. ⅩⅪ Ere orobeirie obonene bw’obong’aini bwaye. Nere bweka oreo korwa kare goika kare. Ere takonyaara komenterwa egento gose kourwa egento; gose tarigeti omonto onde bwensi abe omotebereria oye. ⅩⅫ Inaki emeremo yaye ere eyokogookia! Inaki ekomesa emeremo yaye! ⅩⅩⅢ Ebinto ebio bionsi nao bire naende inabimenye kare na kare, nabirobio nigo bikomoigwera kera engaki biganeirie. ⅩⅩⅣ Ebitongire bionsi nigo birobeirie bibere bibere kera ekemo mamincha yekende; na tikeri akorete getari egeikeranu. ⅩⅩⅤ Egento ekemo nigo kegoikerania obuya bw’egento kende. Ning’o oria oranyaare korosa ase okorigereria obonene bwaye?