Ⅰ Obonene bwa igoro aaria nokomesa kw’obware bwaye bwa igoro; obware bwaye nigo bokororekana bokomekameka ase obonene bwaye. Ⅱ Ekero erioba rikooroka, rirorio nigo rikoraria okomesa kwaye. Ekio negento kiogokumia ere Omonene atongete. Ⅲ Rirorio nigo rigokamokia ense ase omobaso, ning’o oranyaare koremereria ogosamba kwaye? Ⅳ Omonto nigo akoigereria riiko oigwa ogasamba kwaye, korende risase nigo rigosaamba ebitunwa goika ara gatato boigo. Risase nigo rikoraga okomesa kwaye kwomorero, na okomekameka kwamasase kwaukoria amaiso. Ⅴ Inaki are omonene Omobui oria oritongete, naende oyio ase ogochika kwaye rigendererete ase orogendo rwaye. Ⅵ Boigo omotienyi nigo okomesa ase ebiro biaye, oro boigo nekiorokererio getakoera; nigo okoraa chingaki amo n’ebiro. Ⅶ Chingaki chia amatuko amanene nigo chikworokigwa nomotienyi; oborabu bwaye nigo bokoba obonene naende bwakea. Ⅷ “Omotienyi” bw’amatuko yomotienyi nigo oeire erieta kobwatekana nokororekana kwaye, oro nigo ogokiina ase chinchera chi’ogokumia ase ebiro biaye; oro omonyene nekiorokererio kia abarwani ba igoro ekero okomesa ase obwaro bwaye aria igoro. Ⅸ Okomesa gweching’enang’eni nigo gokworokia obuya bwo obwaro bwa igoro Omonene buna bochabeire kegima aria igoro. Ⅹ Asa ogochika kwaye ere Omochenu nigo chiteneine aria ase chiachikeretwe; chirochio tichiri gotamboka nonya ng’ake ensemo yabo y’oborendi. Ⅺ Rigereria omokubinyongo, oro nigo okomotogia ere oria oyotongete omokubunyongo nigo okogokia mono ase okomekameka kwaye! Ⅻ Oro nigo oetanaine obwaro ase ekeng’ese ekemo kere ekiya, amaboko y’Omonene naro aywareretie. ⅩⅢ Ase ogochika kw’Omonene obogoria amagena y’embura naboigo okomesa kw’embura buna ere akoyochiika gokora. ⅩⅣ Boigo ebiage biaye nigo bikoigoka, amare airuruka korwa aroro buna chinyoni. ⅩⅤ Ere ase obonene bwaye, nigo agosangereria amare na gwatia amagena agandire aba embura y’amagena. ⅩⅥ Ekero akororekana, ebigoro nigo bigotengecha, ase okogania kwaye omwaga o Irianyi nigo okogusa. ⅩⅦ Eriogi riaye riokogukura nigo agotogonyera ense boigo nokogusa kwomwaga o sugusu ne ekerambauti. Nigo agoserebania okoganda kwaba gwaika gocha inse buna chinyoni, ee buna chingige chikogwa ase riroba. ⅩⅧ Nigo togoichana korigereria obuya bw’oborabu bwaye, na twakumia ekero okogwa. ⅩⅨ Ere nigo agosiarera obonyiu buna omonyo, na ekero b’okobwatana birorekana ebinto biteneine buna amagwa. ⅩⅩ Nigo akogusia omwaga omokendu o sugusu, amagena yembura aranda igoro ase amaache, atuberera chintuboka chionsi chia amaache, yaba buna enguba y’ogwekengera. ⅩⅪ Obisamba ebitunwa bw’erorooro naboigo kobirura ebitii, na gosusania obonyansi oborere buna obore ase omorero. ⅩⅫ Korende riire riaonchora kera egento naende, ekero obonyiu bokororekana na gokendia. ⅩⅩⅢ Ase obong’aini bwaye nigo agotoereria enyancha enene na kobeeka ebisinka aroro. ⅩⅩⅣ Baria bagotaara goetera ase chinyaancha nigo bagoteeba emegano yobwoba boreo, naintwe nigo togoichanigwa nayio tokoigwa. ⅩⅩⅤ Agwo ime ase enyancha mbireo ebitongwa bire ebiokogosa na kwoboyia, ebitongire ebinene kobua na ebiechingeencho chionsi bire moyo. ⅩⅩⅥ Omonene nigo akomokora kera omotomwa oye konyora amaya, ase ring’ana riaye nigo agotenenia kera egetongwa. ⅩⅩⅦ Natoisa goteeba amange, intwe titokonyaara goikera omoerio, ase obweng’e; “Omonene nere kera egento.” ⅩⅩⅧ Intwe ng’ai toranyoore chinguru chi’okomotogia? Ekiagera ere nigo are omonene kobua emeremo yaye yonsi. ⅩⅩⅨ Omonene nigo are oyo bw’okoirokia naende omonene mono, okobua kwaye nokwogokumia mono. ⅩⅩⅩ Ekero aye okomotogia Omonene, motogie buna okonyaara, ekiagera ere nigo aetanetie ayio moimokereria igoro, moimokererie igoro ase okobua kwao gwonsi. Aye tobaisa korosa ekiagera tokonyaara komotogia buna egwenerete okore. ⅩⅩⅪ Ere ning’o oyio omorooche ere erio anyare korwa omogano buna ere are? Gose, ning’o oranyaare komotogia aikeranie ekerengo kemogwenerete? ⅩⅩⅫ Amakumia amanene kobua aya, nigo abisegete, ekiagera twarorire emeremo yaye emeke igo. ⅩⅩⅩⅢ Ekiagera Omonene okorire ebinto bionsi, erio abae esiko baria bamoirogete.