114
Olwembo lwʼaBaisirairi nga bazwa e Misiri
ABaisirairi owebazwire e Misiri,
ibo eibyaire lya Yaakobbo owebazwire omwigwanga lyʼabanamawanga eryo,+
oBuyudaaya kyasuukire
kifo kya Musengwa ekitukulye, oIsirairi ni kibba kyalokye okububwe.
 
Enyanza eNtukuliki oweyababoine nʼeiruka,
omwiga oYoludaani ni gukangayo e nyuma.+
Ensozi gyabuukabuukire ooti ntaama ensaiza,
obusozi ni bucuulyacuulya ooti ntaama entonto.
 
Kyabbaire niki iwe nyanza okwiruka?
Iwe Yoludaani, lwaki wakangireyo e nyuma?
Inywe ensozi, lwaki mwabuukabuukire ooti ntaama ensaiza?
Nywena obusozi, lwaki mwacuulyacuulirye ooti ntaama entonto?
 
Iwe kyalo otukute omumaiso ga Musengwa,
omumaiso ga Kibbumba wa Yaakobbo,
oyo acuusa eibbaale okubba kidiba kyʼamaizi,
eibbaale erigumu ni libbaamu ensulo egikulumuka.+
+ 114:1 Kuz 12:51 + 114:3 Kuz 14:21; Yos 3:16 + 114:8 Kuz 17:1-7; Kub 20:2-13