142
Esaala ya Dawudi oweyabbaire omu mpuku.
Okusaba oMusengwa obubbeeri
1 Neekungirira oMusengwa,
neegairira oMusengwa okunkwatira ekisa.
2 Mmusukaanirya ebinnuma;
mmukobera ebigosi byange.
3 Owemba mpoiremu amaani,
niiwe amanya ekyendi nʼokukola.
Omu nzira omu mbita,
abalabe bange bantegeremu omutego omu mbiso.
4 Owendola aawo e gyendi
mbona nga mpaawo anfaaku,
era mpaawo awokwirukira okusuna obukuumi.
Mpaawo afaayo oku bwomi bwange.
5 Oo Musengwa, nakwekungirira niiwe,
ni nkoba nti, “Niiwe ekiirukiro kyange,
niiwe owange omu kyalo kyʼaboomi.”
6 Owulisisye okwekunga kwange,
olwʼokubba ndi omu bwetaavu bubitiriri!
Onnunule eeri abanjiigaania,
olwʼokubba bankiraku ino amaani.
7 Ontoole omu busibe obwo
kaisi nkuwuujenge.
Awo abatuukirirye bakumbaaniranga e gyendi
olwa busaabwo egyendi.