2
Okabaka oKibbumba oguyasukireku amafuta
1 Lwaki abanamawanga beediima,
era lwaki abantu basala enkwe eginambulamu?
2 Abafugi bʼoku kyalo beetegeka,
era abeekubbemberi bateesera aamo
okulwanisya oMusengwa
era okulwanisya oyo oguyasukireku amafuta.
3 Era bakoba bati, “Oleke twetaisulye eifuge lyabwe,
titwabaikirirya okutufuga.”
4 Neye Iye oyo atyaima oku ntebeye eyʼobwakabaka omwigulu abasekerera,
oMusengwa oyo abanyooma.
5 Awo ngʼasunguwaire nʼabakaawuukira,
era omu bulwabwe nʼabakanga, era nʼakoba ati,
6 “Nteekere okabaka wange,
oku lusozi lwange olutukulye oSayuuni.”
7 Okabaka nʼalangirira ekiragiro kya Musengwa ati,
“OMusengwa yankobere ati, ‘Oli mwana wange,
olwatyanu nnangirira nti ndi iteewo.
8 Onsabe, nʼakuwa amawanga ni gabba busikabwo
nʼekyalo kyonakyona ni kibba matwalego.
9 Walibavuniankira nakimo nʼomwigo gwʼekyoma,
walibasusungula ni babba ooti kibya ekibasusungwire.’ ”
10 Kale atyanu bakabaka inywe, mwiremu amalabuki,
inywe abafugi bʼoku kyalo mulabuke.
11 Muweererye oMusengwa nga mumuwa ekitiisya.
Era mujaagaane neye nga mwewombeeka.
12 Mukotamye emitwe omumaiso gʼomwanawe okumuwa ekitiisya, nga bbe,
yasunguwala nʼabajigirica mangu.
Ekyo kityo olwʼokubba obulwabwe tibulwa okusetuka.
Neye bʼenkabi abo bonabona abairukira egyali okubakuuma.