23
EZabbuli ya Dawudi.
OMusengwa niiye andiisya nze ontaamawe
1 OMusengwa niiye andabirira nze ontaamawe, era mpaawo ekindamba.
2 Andeka ni mpumulira omu kiriisiryo ekyʼeisubi eritolito.
Era antwala awantu awali amaizi amateeki.
3 Anjiryamu amaani.
Annungamya omu manzira amatuuce
olwʼeriinalye.
4 Nʼowentambulira
omu kiinamo ekiizwire endikiirya awayezya okubba okufa,
tintya akabbikabbi konakona,
olwʼokubba iwe obba na nze.
Olugaalwo nʼomwigogwo
binkuuma.
5 Ontegekera ekiinulo
ngʼabalabe bange babona.
Onjaniriza omu ngeri eyʼenjawulo ngʼonsiiga okalifuwa oku mutwe.
Era oizulya ekikopo kyange du.
6 Dala obusaabwo nʼekisaakyo byabbanga na nze enaku gyʼobwomi bwange gyonagyona.
Era naabbanga omu nyumba ya Musengwa emirembe nʼemirembe.