24
EZabbuli ya Dawudi.
OKibbumba niiye okabaka owʼentiisya
1 Ekyalo nʼebintu byonabyona ebirimu bya Musengwa.
Era ekyalo nʼabantu baamu bonabona, niiye onanyerebyo.
2 Ekyo kityo olwʼokubba niiye eyakomekere ekyalo oku nyanza enene,
era nʼakigumirya oku maizi amangi agali ansi eino owʼeitakali.
3 Naani ogubaikirirya okuniina oku lusozi lwa Musengwa?
Era naani ayinza okwemerera omu kifookye ekitukulye omwabba?
4 Abo bonkani abakola ebisa, era abaseega ku biibyo oKibbumba ebyasiima byonkani.
Era abatawaayo obwomi bwabwe okusinza ebifaananyi,
era nga tibalayira ebyobubbeyi.
5 Abantu abo oMusengwa abawa enkabi,
era abawa obutuukirirye iye omununuli waabwe.
6 Abantu abatyo niibo abamunoonia,
era ni bamusinza oyo oKibbumba wa Yaakobbo.
7 Inywe amageeti mweigule
era na inywe emiryango egyʼeira mweigule,
era muganye oKabaka owʼentiisya aingire.
8 OKabaka owʼentiisya oyo niiye onaani?
Niiye oMusengwa owʼamaani era owʼobwezye.
Niiye oMusengwa omuwanguli omu lutalo.
9 Inywe amageeti mweigule
era na inywe emiryango egyʼeira mweigule,
era muganye oKabaka owʼentiisya aingire.
10 OKabaka owʼentiisya oyo niiye onaani?
Niiye oMusengwa oWabwezye Bwonabwona,
oyo oKabaka owʼentiisya.