4
Eeri akubbembera abembi. Egibembere nʼebivuga ebyʼenkosi. EZabbuli ya Dawudi.
Okwesiga oKibbumba
1 Oo Kibbumba iwe omulwaniriri wange,
owenkusaba onjiremu!
Owenabbaire omu bigosi, wambeereire.
Atyanu onkwatire ekisa, era owulire okusaba kwange.
2 Bantu inywe, mwalituuca di okummalamu ekitiisya nga munswaza?
Mwalituuca di okutaka ebinambulamu, nʼokukolera oku byobubbeyi?
3 Aale mumanye muti oMusengwa ayawiire abatuukirirye okubba babe.
Era oMusengwa owemmusaba, anjiramu.
4 Owewabbaawo ekibasunguwalya mwekuume obusungu okutabakolesya ekibbikibbi.
Musirinkirire era mufumintirize
nga muli oku buliri bwanywe.
5 Muweeyo esadaaka egisaanira,
era mwesige oMusengwa.
6 Bangi beebuulya bati, “Naani eyatukolera ebisa?”
Oo Musengwa oganye ekitangaala kyʼamaisogo kitwakire!
7 Neye ompaire eisangaalo eryʼamaani okukiraku abandi abali
nʼebyokulya ebyʼempeke ebingi nʼenviinyo gyabwe enyingi.
8 Nnambaala ni ngona mwidembe,
olwʼokubba niiwe wenkani, Musengwa,
onkuuma ni mba mwidembe.