43
OKibbumba niiye atulwanirira
Oo Kibbumba, olangirire ngʼowembulaku omusango,
era ondwanirire eeri abantu abatakutya,
Onnunule eeri abo ababbeyi era ababbibabbi.
Ekyo kityo olwʼokubba Kibbumba njirukira eeri niiwe okunkuuma.
Lwaki ondekeswire?
Lwaki mbaawo nga nkunga
olwʼabalabe bange okungadya?
Osindike ekitangaalakyo nʼamazimago,
oganye binnungamye,
era bintuuce oku lusozirwo olutukulye,
omu kifo ekyo e gyobba.
Awo kaisi njabe oku kyoto kya Kibbumba,
eeri oKibbumba wange iye eisangaalo lyange eribitiriri.
Era nakuwuujanga nga nkukubbira otongoli,
oo Kibbumba, iwe oKibbumba wange.
 
Kale atyanu lwaki omwoyo gwange gunakuwala?
Era lwaki omwoyo gwange gweraliikirira?
Oleke eisuubi lyange nditeeke mu Kibbumba,
olwʼokubba nalimuwuuja tete,
Iye omununuli wange era oKibbumba wange.