53
Eeri akubbembera abembi. EZabbuli ya Dawudi.
Abakola ebibbibibbi
(Zab 14)
1 Abasirusiru bakoba omu myoyo gyabwe bati,
“Mpaawo Kibbumba.”
Boonoonoki, era bakola bibbibibbi;
mpaawo akola ebisa.
2 OKibbumba asinzirira omwigulu
nʼalingirira abantu bonabona,
okubona nga waliwo amutegeera,
ooba nga waliwo amunoonia.
3 Neye abantu bonabona bamuzwireku,
ni basuuka ekitagasa egyali.
Mpaawo akola ebisa,
era kadi waire moiza.
4 Abakola ebibbibibbi tibalyega?
Bamalawo abantu bange ooti muntu akaavuula ekyokulya,
era tibasinza oKibbumba.
5 Neye baliizula entiisya egibatabbangakuumu.
OKibbumba yalisasaania amagumba gʼabo abazingiza abantube.
Yalibaswaza,
olwʼokubba oKibbumba yabagaine.
6 Nsaba nti oyo eyanunula oIsirairi azwe mu Sayuuni!
OKibbumba oweyaliiryawo eidembe omu bantube,
abʼeibyaire lya Yaakobbo ibo aBaisirairi balijaagaana.