54
Eeri akubbembera abembi. Egibembera oku bivuga ebyʼenkosi. EZabbuli ya Dawudi, aBaziifu owebaabire ni bakobera oSawulo bati, “ODawudi yeebisire mu niiswe.”
Esaala yʼobukuumi
1 Oo Kibbumba, onnunule ngʼokolesya obwezye bwʼeriinalyo,
okolesye obwezyebwo ontaase!
2 Oo Kibbumba, owulire okusaba kwange,
owulisisye ebibono byange.
3 Abanamawanga bansetukiireku,
abaŋeŋese banoonia obwomi bwange.
Tibafaayo oku Kibbumba.
4 Neye oKibbumba niiye ambeera,
oMusengwa niiye ambeesyawo.
5 Oleke obubbibubbi abalabe bange obubantakirya bubacuukire.
Omu bwesigwabwo obajigirice.
6 Oo Musengwa, naawangayo egyoli ebyokuwaayo omu kutaka,
nakwebalyanga
olwʼokubba oli musa.
7 Ekyo kityo olwʼokubba onnunwire omu bigosi byange byonabyona,
ni mbona ngʼowangwire abalabe bange.