6
Eeri akubbembera abembi. Egibembere nʼebivuga ebyʼenkosi. EZabbuli ya Dawudi.
Okusaba nga tuli omu bigosi
Oo Musengwa, tiwannenyera omu busungubwo,
waire kumbonerezera omu bulwabwo.+
Oo Musengwa onkwatire ekisa,
olwʼokubba obwomi busebengerera.
Oo Musengwa, ondamye,
olwʼokubba amagumba gameketa.
Era obwomi bwange buli mu kugada okwʼamaani.
Neye Musengwa, walituuca di okutandamya?
 
Oo Musengwa oirye omwoyo onnunule,
ondamye olwʼekisaakyo.
Ekyo kityo olwʼokubba mpaawo mufu akwebukirya.
Era naani ayezya okukuwuuja e magombe?
 
Amaani gampoiremu olwʼokukunga.
Nabuli kiire nkulumuca amaliga ni gadodya obuliri bwange,
era obuliri bwange ni butoba nʼamaliga.
Amaiso gange galoolere olwʼenima,
tigabona nakusani olwʼamaliga abalabe bange bonabona agebankunja.
 
Muzwe e gyendi nywenanywena abakola ebikole ebibbibibbi,
olwʼokubba oMusengwa awuliire okukunga kwange.+
OMusengwa awuliire nga mmwekungirira okumbeera,
era yairamu okusaba kwange.
10 Abalabe bange bonabona baliswala ni bibasobera,
oKibbumba yalibabbingirira ni baaba mangu mangu nga baswaire!
+ 6:1 Zab 38:1 + 6:8 Mat 7:23; Luk 13:27