70
Eeri akubbembera abembi. EZabbuli ya Dawudi, eyʼokwegairira.
OKibbumba niiye atubbeera
(Zab 40:13-17)
1 Oo Kibbumba, oyanguwe okunnunula,
Musengwa oyanguwe okumbeera.
2 Oleke abo bonabona abataka okunjita,
baswale era batabuketabuke.
Nʼabo abanoonia okujigirica obwomi bwange,
babakanjirirye nga baswaire.
3 Oleke abo abansekerera,
bakangirire olwʼokuswala kwabwe.
4 Oleke abo bonabona abakunoonia,
bajaagaane era basangaale oku lulwo.
Abo abasiima obununulibwo, bakobenge bulijo bati,
“OKibbumba bamugulumalye.”
5 Neye nze ndi mudoobi era ndamba,
nsaba Kibbumba, oyanguwe okwiza egyendi.
Niiwe ombeera era niiwe onnunula.
Oo Musengwa, tiwaalwa!