8
Eeri akubbembera abembi. EZabbuli ya Dawudi.
Ekitiisya kya Kibbumba nʼekitiisya ekiyawaire abantu
1 Oo Musengwa, iwe oMusengwa waiswe,
obukulu bwʼeriinalyo buboneka nabuli wantu omu kyalo kyonakyona!
Era ekitiisyakyo kiboneka
paka mwigulu.
2 Wayegeserye abaana abatobato nʼebibbuuta okukuwuuja nakusani,
omu ngeri eyo nʼosirica abalabebo,
nʼabo abakulwanisya.
3 Owenfumintiriza okwigulu
eriwabbumbire,
nʼomweri nʼenkota
ebiwateekere omu bifo byabyo,
4 omuntu niikyo eniki-so ekigira nʼomuseegaku?
Era omuntu-obuntu, lwaki omulumirwa?
5 Wamukolere, nʼabulaku katyayi kati okwagaagana na iwe Kibbumba,
era nʼomutiikira engule eyʼekitiisya nʼokumugulumalya.
6 Wamuwaire obwezye okufuga ebintu byonabyona ebiwabbumbire.
Era ebintu byonabyona wabiteekere ansi wʼobwezyebwe,
7 entaama gyonagyona nʼente,
nʼebisolo byʼomu kigona,
8 nʼebinyonyi nʼenyanyi,
nʼebibbumbe ebindi ebibba omu nyanza.
9 Oo Musengwa, iwe oMusengwa waiswe,
obukulu bwʼeriinalyo buboneka nabuli wantu omu kyalo kyonakyona!