82
EZabbuli yʼAsafu.
OKibbumba afuga byonabyona
1 OKibbumba akubbiriza olukiiko olukulu olwʼomwigulu;
aakati omu lukumbaana lwʼabakibbumba awa okusalawokwe ati:
2 “Mwalituuca di okusalanga emisango omu butali bwenkanya,
nʼokwekubbiranga oku lubba lwʼababbibabbi?
3 Musalenge emisango gyʼabadoobi nʼabafuubbi mu bwenkanya,
abebagadya nʼabadamba, mubabbeerenge okutabamigirirya.
4 Mutaasenge abadoobi nʼabadamba,
mubanunulenge eeri ababbibabbi.
5 “Nga timutegeera! Nga muli basiru!
Muliira nakimo ino enguzi,
era obwenkanya buwoirewo omu kyalo.
6 Nkobere nti, ‘Muli bakibbumba,’
nywenanywena muli baana bʼoNambulaku aMwagaagana.
7 Neye mwalifa ngʼabantu,
mwalifa ngʼomukungu yenayena.”
8 Oo Kibbumba, osetuke olamule ekyalo,
olwʼokubba amawanga gonagona gago ku bubwo.