87
EZabbuli yʼabʼeibyaire lya Koola. Olwembo.
Ekibuga oSayuuni
1 OMusengwa yayombekere ekibugakye ku lusozi olutukulye.
2 Ataka ekibugakye oSayuuni
okukira ebifo byonabyona oYaakobbo omwabba.
3 Iwe ekibuga kya Kibbumba,
bakutumulaku ebyʼekitiisya.
4 “Omu mawanga agammaite,
mbaliramu eryʼe Misiri nʼeryʼe Bbabbulooni.
Abʼe Firisitiya, nʼe Tiiro nʼEsoopiya
mbabalira mu babyale bʼe Sayuuni.”
5 OSayuuni bakitumulaku bati,
“Nabuli muntu mubyale wʼomwo.
Era iye oyo oNambulaku aMwagaagana yalikisuuca kyʼamaani.”
6 OMusengwa awandiika abantu omu lukalala lwʼamawanga ati,
“Onu bamubyala mu Sayuuni.”
7 Abembi nʼababini bakoba bati,
“Enkabi gyaiswe gizwa mu niiwe.”