93
OKibbumba niiye oKabaka waiswe
1 OMusengwa niiye afuga, era ali nʼekitiisya;
oMusengwa ali nʼekitiisya
era ali nʼamaani.
Yateekere ekyalo omu kifo kyakyo,
era tikyezya okuyuugayuugana.
2 Oo Musengwa, entebeyo eyʼobwakabaka yabbairewo kuzwa ira nʼeira.
Era obbeerererawo emirembe nʼemirembe.
3 Oo Musengwa, amaizi gʼomu nyanza geedumbya,
enyanza ewooga,
enyanza esetwire amayengo gaayo.
4 OMusengwa aali omwigulu, iye wʼamaani
okukiraku okuwooga kwʼenyanza,
nʼokukiraku amayengo agʼamaani.
5 Oo Musengwa, ebiragirobyo tibicuuka,
era eYeekaaluyo ntukulye ino
emirembe nʼemirembe.