21
Mabuga gawagweleligwe Walawi
1 Abaho ivilongozi wa zing'holo za kabila da Walawi wawacholela Eleazali imulava nhosa na Yoshua mwanage Nuni na ivilongozi wa zing'holo za gamakabila ga iwanhu wa Izilaeli.
2 Wawalongela ako Shilo mwiisi ya Kanaani, “Mndewa Imulungu kalagiza kubitila Musa tugweleligwe mabuga ga kukala na hanhu ha kudimila fugo zetu.”
3 Avo kwa lagizo da Mndewa Imulungu, iwanhu wa Izilaeli kulawa muuhazi wao, wawagwaa Walawi mabuga na hanhu ha kudimila fugo.
4 Simbi iwagwila iwanhu wa lukolo lwa Wakohati. Avo awo Iwalawi, iwanhu wa ulelo wa Haluni imulava nhosa wagweleligwa kwa kubwanha simbi mabuga longo na madatu kulawa kwa kabila da Yuda na kabila da Simeoni na kabila da Benjamini.
5 Iwanhu wasigale wa lukolo lwa Wakohati wagweleligwa kwa kubwanha simbi mabuga longo kulawa kwa kabila da Efulaimu na kabila da Dani na nusu ya kabila da Manase.
6 Lukolo lwa Wagelishoni wagweleligwa kwa kubwanha simbi mabuga longo na madatu kulawa mzing'holo za kabila da Isakali na kabila da Asheli na kabila da Nafutali na nusu ya kabila da Manase dikalile ako Bashani.
7 Lukolo lwa Wamelali kamba viweli mzing'holo zao, wagweleligwa mabuga longo na mabili kulawa kwa kabila da Lubeni na kabila da Gadi na kabila da Zabuloni.
8 Iwanhu wa Izilaeli wawagwaa Walawi mabuga gago na isi azo za kudimila fugo, kwa kubwanha simbi kamba Mndewa Imulungu viyalagize kubitila Musa.
9 Gano gago gamatwaga gamabuga galawile mna iisi ya iwanhu wa kabila da Yuda na iwanhu wa kabila da Simeoni na wawagwelela,
10 iwanhu wa ulelo wa Haluni walawile mulukolo lwa Wakohati kulawa mdikabila da Lawi, kwavija simbi ikala isongile kuwagwila hewo.
11 Wagweleligwa buga da Kiliati Aliba, twaga diyagwe dojuwigwa kamba Hebuloni isi ya kuvigongo va Yuda na wagweleligwa na ihanhu ha kudimila fugo kuzunguluka buga dijo. Aliba kakala tatake Anaki.
12 Lakini imigunda ya buga dijo hamoja na ivijiji vake vidizunguluke kakala yagweleligwe Kalebu mwanage Yefune kamba uhazi wake.
13 Vivija iwanhu wa ulelo wa Haluni, imulava nhosa, wagweleligwa buga da Hebuloni hamoja na ihanhu ha kudimila fugo, kamba buga da kukimbilila kwa munhu yamkomile miyage bila kulonda, na wagweleligwa buga da Libina hamoja na ihanhu ha kudimila fugo,
14 na buga da Yatili hamoja na ihanhu ha kudimila fugo na Eshitemoa hamoja na ihanhu ha kudimila fugo,
15 na Holoni hamoja na ihanhu ha kudimila fugo na Debili hamoja na ihanhu ha kudimila fugo,
16 na Aini hamoja na ihanhu ha kudimila fugo na Yuta hamoja na ihanhu ha kudimila fugo na Beti Shemeshi hamoja na ihanhu ha kudimila fugo. Mabuga gago tisa galawa mna gamakabila gago mabili.
17 Kulawa mdikabila da Benjamini wagweleligwa mabuga ga Gibeoni hamoja na ihanhu ha kudimila fugo na Geba hamoja na ihanhu ha kudimila fugo,
18 na Anatoti hamoja na ihanhu ha kudimila fugo na Alimoni hamoja na ihanhu ha kudimila fugo. Gose kwa gose gakala mabuga mane.
19 Mabuga gago longo na madatu hamoja na isi azo za ihanhu ha kudimila fugo wagweleligwa awo iwalava nhosa, iwanhu wa ulelo wa Haluni.
20 Iwanhu wasigale wa lukolo lwa Wakohati, awo iwanhu wa kabila da Lawi, wagweleligwa mabuga kulawa mna iisi ya iwanhu wa kabila da Efulaimu.
21 Wagweleligwa buga da Shekemu hamoja na ihanhu ha kudimila fugo ako kuvigongo va isi ya Efulaimu, kamba buga da kukimbilila kwa munhu yamkomile miyage bila kulonda, na wagweleligwa buga da Gezeli hamoja na ihanhu ha kudimila fugo,
22 na Kibisaimu hamoja na ihanhu ha kudimila fugo na Beti Holoni hamoja na ihanhu ha kudimila fugo. Gose kwa gose gakala mabuga mane.
23 Kulawa mdikabila da Dani wagweleligwa mabuga ga Eliteke hamoja na ihanhu ha kudimila fugo na Gibetoni hamoja na ihanhu ha kudimila fugo,
24 na Aiyaloni hamoja na ihanhu ha kudimila fugo na Gati Limoni hamoja na ihanhu ha kudimila fugo. Gose kwa gose gakala mabuga mane.
25 Kulawa kwa nusu ya kabila da Manase wagweleligwa mabuga ga Taanaki hamoja na ihanhu ha kudimila fugo na Gati Limoni hamoja na ihanhu ha kudimila fugo. Gose kwa gose gakala mabuga mabili.
26 Avo mabuga gawagweleligwe iwanhu wasigale wa lukolo lwa Wakohati gakala mabuga longo hamoja na ihanhu ha kudimila fugo.
27 Lukolo lwa Wagelishoni, kulawa mzing'holo za Walawi, wagweleligwa mabuga mabili kulawa kwa nusu ya kabila da Manase, buga da Golani dili ako Bashani hamoja na ihanhu ha kudimila fugo, kamba buga da kukimbilila, kwa munhu yamkomile miyage bila kulonda, na buga da Beeshitela hamoja na ihanhu ha kudimila fugo.
28 Kulawa mdikabila da Isakali, wagweleligwa mabuga ga Kishioni hamoja na ihanhu ha kudimila fugo na Dabelati hamoja na ihanhu ha kudimila fugo,
29 na Yalimuti hamoja na ihanhu ha kudimila fugo na Enganimu hamoja na ihanhu ha kudimila fugo. Gose kwa gose gakala mabuga mane.
30 Kulawa mdikabila da Asheli wagweleligwa mabuga ga Mishali hamoja na ihanhu ha kudimila fugo na Abidoni hamoja na ihanhu ha kudimila fugo,
31 na Helikati hamoja na ihanhu ha kudimila fugo na Lehobu hamoja na ihanhu ha kudimila fugo. Gose kwa gose gakala mabuga mane.
32 Kulawa mdikabila da Nafutali wagweleligwa mabuga madatu, buga da Kedeshi dili ako Galilaya hamoja na ihanhu ha kudimila fugo, kamba buga da kukimbilila, kwa munhu yamkomile miyage bila kulonda na buga da Hamoti Doli hamoja na ihanhu ha kudimila fugo na buga da Kalitani hamoja na ihanhu ha kudimila fugo.
33 Lukolo lwa Gelishoni wagweleligwa mabuga longo na madatu hamoja na ihanhu ha kudimila fugo.
34 Iwalawi wayagwe iwanhu wa lukolo lwa Wamelali, wagweleligwa kulawa mdikabila da Zabuloni mabuga ga Yokineamu hamoja na ihanhu ha kudimila fugo na Kalita hamoja na ihanhu ha kudimila fugo,
35 na Dimina hamoja na ihanhu ha kudimila fugo na Nahalali hamoja na ihanhu ha kudimila fugo. Gose kwa gose gakala mabuga mane.
36 Kulawa mdikabila da Lubeni wagweleligwa mabuga ga Bezeli hamoja na ihanhu ha kudimila fugo na Yahasa hamoja na ihanhu ha kudimila fugo,
37 na Kedemoti hamoja na ihanhu ha kudimila fugo na Mefaati hamoja na ihanhu ha kudimila fugo. Gose kwa gose gakala mabuga mane.
38 Kulawa mdikabila da Gadi wagweleligwa mabuga ga Lamoti dili ako Gileadi hamoja na ihanhu ha kudimila fugo, kamba buga da kukimbilila kwa munhu yamkomile miyage bila kulonda na buga da Mahanaimu hamoja na ihanhu ha kudimila fugo,
39 na Heshiboni hamoja na ihanhu ha kudimila fugo na Yazeli hamoja na ihanhu ha kudimila fugo. Gose kwa gose gakala mabuga mane.
40 Iwanhu wa lukolo lwa Wamelali, kulawa mzing'holo za Walawi zisigale wagweleligwa mabuga longo na mabili.
41 Walawi wagweleligwa na iwanhu wa Izilaeli kulawa muuhazi wao, mabuga malongo mane na nane hamoja na ihanhu ha kudimila fugo.
42 Mabuga gose ago gakala na hanhu ha kudimila fugo kuzunguluka kila buga. Gose gakala vivo.
43 Avo, Mndewa Imulungu kawagwelela iwanhu wa Izilaeli isi yose iyaiduwile kuwagwaa iwahenga zao. Hewo waisola na wakala mumo.
44 Mndewa Imulungu kawagwaa tindiwalo kila hanhu kamba viyaiduwile kwa iwahenga zao. Kuduhu imunhu yawehile yadahile kuwahuma, kwavija Mndewa Imulungu kawagela mmakono gao iwanhu wose wawehile.
45 Kuduhu hata mbuli imoja mna zimbuli ziyalongile Mndewa Imulungu kwa iwanhu wa Izilaeli iswelile kutendigwa, mbuli zose zivikizwa.