26
ZABULI YA 26
(Zabuli ya Daudi.)
1 Mndewa Imulungu, uwalihe,
kwavija nikala bila kitala,
nikutamanila gweye bila kunyawanyawa.
2 Unigeze na kunipima gweye Mndewa Imulungu,
uulole moyo wangu na nzewele zangu.
3 Unogelo wako hawishaga wa kuulongozi wa meso gangu,
nokala mbuli ya kukutamanila.
4 Sikala na wanhu wavizi,
sikala na wanhu watapitapi.
5 Noihila miting'hano ya iwanhu wehile,
na sikala na iwanhu wehile.
6 Go Mndewa Imulungu, nonawa makono gangu kulagusa sitendile dihile,
nouzunguluka upango wako wa nhosa.
7 Nokwimba lwila lwa kukutogola gweye,
nosimulila sang'hano zako zose za unzonza.
8 Mndewa Imulungu, nonogezwa na ng'anda yako aho houkala,
aho houkala ukulu wako.
9 Sikuunibanange hamoja na wene nzambi,
na sikuunitupe hamoja na awo iwakomaji,
10 iwanhu awo watendaga gehile siku zose,
iwanhu wamemile hongo.
11 Lakini niye nokala kwa moyo unogile,
unyonele bazi na unikombole.
12 Niye nima wima hanhu helibule magazo,
nomtogola Mndewa Imulungu mumting'hano mkulu.