32
ZABULI YA 32
(Zabuli ya Daudi. Kufunza.)
1 Kamweda imunhu nzambi zake zigeligwa kumgongo,
imunhu nzambi zake zisegesigwa kabisa.
2 Kamweda imunhu Mndewa Imulungu hagelegeza gehile gake,
imunhu yelibule uvizi mmoyo wake.
3 Vinikalile sinatogola kamba nhenda nzambi,
nikala nidonhile kwa kulila imisi yose.
4 Imisi na ikilo mkono wake undemela,
nguvu zangu zifonzigwa,
kamba mazi kipindi cha zuwa kali.
5 Abaho nizitambula nzambi zangu kumwako,
na sigafisile gehile gangu.
Nilonga, “Nozitogola nzambi zangu kumwako gweye Mndewa Imulungu.”
Abaho gweye kuzigela kumgongo nzambi zangu zose.
6 Avo, kila imunhu yotamanilwa yakupule gweye,
mkipindi cha magazo,
mazi ga masika gahenuka,
hagamkulula heyo.
7 Gweye ayo hanhu hangu ha kuifisila,
gweye konikaliza mmagazo.
Kunigubika kwa nyila za ukombola.
8 Imulungu kolonga,
“Nokufunza na kukulagusila nzila yuulondigwa kubita,
nokuzuma na siso jangu dokulola gweye.
9 Sikuuwe mbozi kamba falasi hebu kihongwe,
awo walemaga kukukwesela gweye,
mbaka wakwegigwe kwa nzabi.”
10 Iwanhu wehile opata magazo mengi,
lakini iwanhu omtamanila Mndewa Imulungu,
ozungulukwa na unogelo wake hawishaga.
11 Mdeng'heleleni Mndewa Imulungu,
deng'heleleni mweye iwanhu wanogile,
toweni ng'henze za deng'ho,
mweye iwanhu muli na mizoyo inogile.