41
ZABULI YA 41
(Kwa kilanja, Zabuli ya Daudi.)
1 Kamweda imunhu yomkumbuka mkiwa,
Mndewa Imulungu komuhonya siku da magazo gake.
2 Mndewa Imulungu komkaliza na kuwika goya ugima wake,
komtenda yamwede mwiisi,
na hamgela mmakono ga imunhu yomwihila.
3 Mndewa Imulungu komgangamiza yahawasa mulusazi kokugula,
muutamu wake komuhonya.
4 Niye nilonga, “Go Mndewa Imulungu, nyonela bazi,
nihonye kwavija niye nikutenda nzambi.”
5 Wanhu onihila ogelegeza,
“Kodanganika lini, twaga jake dipotele?”
6 Kila munhu yokwiza kundola kolonga uvizi,
moyo wake okuba gehile,
abaho kosegela na kogabwililisa kila hanhu.
7 Iwanhu wose onihila oinyong'onyela kunilema niye,
ogelegeza gehile,
8 olonga, “Utamu wihile umgoga, heyo henuka kabili mulusazi.”
9 Hata mbwigangu wa kisima,
heyo inimtamanila,
ayo yajaga ndiya yangu,
hata heyo kononga vihile.
10 Lakini gweye, Mndewa Imulungu, unyonele bazi,
umhonye na niye nowabwezela gehile.
11 Avo nojuwa kamba konogezwa na niye,
kwavija imunhu yonihila honda yanihume.
12 Mna ukunoga kwangu kunigangamiza,
leka nikale kuulongozi wako milele.
13 Yatogolwe Mndewa Imulungu, Imulungu wa Izilaeli,
kulawa milele mbaka milele.
Ona.
Ona.