18
Yetro Ma Lobu Rangua Moses
1 Midian(di) lipu(xiding) hananiangama Yetro, Moses longanoa, lungu (mana) axamanadi Urana libudi mana Moses gabu lipuxindi Isreldi, xaung Toxoratamona xap Isreldi ma sangua Isip baru.
2 Ne muga, Moses soxi haininoa Sipora mala rangua longanoa Yetro. Yetro xap
3 gabu garang (lup) luwa. Gara (lup) tela yanoa Gersom, namua na Moses harua ba, “Ngasok lobu mana titia ngayua te.”
4 Tela yanoa Elieser, namua na harua ba, “Tibugu Urana inia (bing/wa) haulingagua. Xap nga muli sangua Pero rimanoa bu ngamati waxanginia te.”
5 Moses longanoa Yetro gabu Moses haininoa garandi dima rangua mana long xoliana, longga ba tongtongia tabalaxaya haxek mana Urana bimbianoa.
6 Muga Yetro sina haruangua na ba, ‘Nga ba, longam Yetro, ngagabu hainima garang luwa am gama ranguaung.”
7 Binabu Moses sok mala bu gugunia longanoa saing gung king tuxundi mari saing libu. Duxusunga ding mana rungingadinga saing diluxu numa mokiamia.
8 Moses naxuya na longanoa axamanadi Toxoratamona libu (ma)na Pero xaung Isipdi bu hauli Isreldi, xaung mana mauxanganadi daxap daxangia xaung Toxoratamona xapdi muli baru.
9 Yetro yaha sibuna ba lungu mana axamang xaiyadi Toxoratamona libudi mana Isrel bungina xapdi muli sangua Isipdi rimadingia.
10 Harua ba, “Taiti Toxoratamona yanoa, ina xapkang muli sangua Isipdi digabu Pero rimadingia, xaung xap lipuadi muli sangua Isipdi rimadingia.
11 Hatata ngaxabia ba Toxoratamona dali urana longgalo, namua na libu bila li na adi dahasua ding, dilibu doa mana Isreldi.”
12 Saking Moses longanoa Yetro xap hananianga tauyana xaung hananianga teladi ma rangua Urana, saing Aron gabu Isrel yanamindi dima ba daxang taungua rangua Moses longanoa Urana maxania.
13 Buragina baing Moses rung mari bu suxuya lipudi mauxangandi, saing dili taxiya mana buragina laing bungbung.
14 Longanoa bagu axamang longgalo Moses libudi mana lipudi, baing harua ba, “Uraxata ulibu bila li mana lipudi? Baruta ung sibum urung usuxuya mauxangandi bungina lipu xumanadi li dili taxiyaung buraragina laing bungbung?”
15 Moses haxuya ba, “Namua na lipuadi dima rangua nga bu disai Urana murunganoa.
16 Bungingbungina dahakhaxi, daxap ma rangua nga, saing ngamogu baru lipuxinta (liwe mading ba) maring, saing ngabaxanga Urana tabinangandi xaung hanaunaungandi nadi.”
17 Moses longanoa haxuya ba, “Daxanga usu mana ba xai te.
18 Ung gugabu lipuadi li dima ranguaung bagula sanggaimdi dimalai. Oxatua mauxangang buk mang. Sanga ba ung sibum ulibu te.
19 Ulungu nga to. Bagula ngasina hatuminga xai naung, saing Urana bagula wa ranguaung. Ung ba bing uwa lipu aningoxam Urana maxania saing oxop hakhaxingadingdi mala rangua.
20 Utubatuba tabinangandi xaung hanaunaungandi nadi, saing uhatanga daxanga dahaxa mana walingadingia xaung kuboluadi dilibudi.
21 Ning umogu lipu ubuding bisamanamdi liwe mana lipudi. Lipuadi na bila duwa hawa mana Urana, disu mana haruangadinga saung hauxading mana siang xabinganam kubolu diania. Umogudi ba duwa yanamdi, teladi etua mana lipu 1,000, teladi etua mana (lipu) 100, teladi etua mana (lipu 50) xaung teladi etua mana (lipu) 10.
22 Usina oxata suxuyangama nadi etua mana lipuadi bungingbunginalo, ne mauxangang sabangadi bing daxapdi ma ranguaung. Kaxukandi bing ding sibuding disuxuyadi. Alaba bagula tatua makasangama, saing bagula doxoxi mauxanganoa ranguaung.
23 Nabu ulibu bila ba, saing Urana tabinaung (xauna) ba ulibu, bing sanga ba uli haringina, saing xauna lipuadi li bagula gamodingdi duwa mosiu, digoxoya mala numia bila ba.”
24 Moses lungu longanoa haruanganoa saing libu axamang longgalo harua(di) ba.
25 Mogu lipu ubuding bisamanamdi liwe mana Isrel longgalo saing sina yaya nadi bu duwa lipudi yanamidingdi, teladi etua mana lipu 1,000, teladi etua mana (lipu) 100, teladi etua mana (lipu) 50 xaung teladi etua mana (lipu) 10.
26 Dituxu suxuyanga oxatanoa mana lipudi bungingbunginalo. Mauxangang sabangadi daxap ma rangua Moses, ne kaxukandi ding sibuding disuxuyadi.
27 Sup, baing Moses ta longanoa daxangia, saing Yetro goxoya mala muli titinia.