5
Pero Libu Isreldi Dimakasa Buk
1 Sup, baing Moses Aron tang dila rangua Pero saing daharua ba, “Toxoratamona, Urana mana Isreldi, harua bila li: ‘Uyunga lipuxigudi ba dila, bu sanga ba ditongtongia taungua nanga long xoliania.’ ”
2 Ne Pero harua ba, “Toxoratamona (li/ba) gaxarea? Baruta ngalungu haruanganoa ba ngayunga Isreldi ba dila? Ngaxabia Toxoratamona (li/ba) te, saing (maxuna) bagula ngayunga Isreldi ba dila te.”
3 Baing daharua ba, “Urana Mana Hibrudi gugunia ranguam ba. Binabu am gaxusungaung ba unai mana am gahaxa xaidap tuwa mala long xoliania bu am gahanania na Toxoratamona Urana amia, nam libu am gamati mana businga diandi kimbo haungingia.”
4 Ne Isip(di) xaitamoxidinga harua na dingtang ba, “Moses Aron mana, alibu lipuadi disauya oxatadinga baru? Ahabatia (oxataima)!”
5 Baing Pero harua ba, “Abagu, lipuadi disok xumana titia li, saing alibudi disauya oxatadinga.”
6 Men to, taxa mana xaidapka baguba, Pero tabina oxata lipuxing haringinamdi xaung Isreldi duwasa mana lipu oxata olanggamgadi ba,
7 “Labu asina lik(ka) na lipuadi ba ditongtongia birikdi muliu tai. Asauya. Ding sibuding bing dila daxap.
8 Ning ahaxi manadi ba ditongtongia birik titingang taininau bila muga. Labu atatua titingua mongau tai. Ubudingdi daharing. Namua naga daxaba ba, “Am gaxusungaung ba unai mana am gala am gahanania na Urana amia.’
9 Aiti makasangadinga mana lipuadi bu duwaxatauyu saing doxola mana ganangana ba dahatumia languangadi te.”
10 Baing oxata lipuxing haringinamdi xaung Isreldi duwasa mana lipu oxata olanggamgadi disok mala saing daharua na lipuadi ba, “Pero harua bila li: ‘Bagula ngasina lik(ka) nang muli te.
11 Ang ba bing ala axap long baruamta abagu. Ning bagula oxataim ragunoa ri monga te.’ ”
12 Binabu lipuadi dila hataing hataina mana titia Isip bu ditagia lik yoxondi ba daxaning(xaning) bila lik.
13 Oxata lipuxing haringinamdi dahaxi sibuna manadi, daharua ba, “Asahi oxataim xaidabing ragunoa xaidap taining tainina, bila alibu bungina lik(di) (du)wa.”
14 Baing oxata lipuxing haringinamdi mana Pero ditahataha Isreldi dimogudi ba duwasa mana lipu oxata olanggamgadi, dahaxi manadi ba, “Baruta asok mana birikdi titiding ragunoa hatata kimbo nulau te bila nulana?”
15 Baing Isreldi duwasa mana lipu oxata olanggamdi dila rangua Pero saing dahati ba, “Baruta ulibu bila li na lipuxim oxatamdi?
16 Disina lik(di) na am lipuxim oxatamdi te, ne dahaxi mam ba, ‘Atongtongia birikdi!’ Ditahataham lipuxim oxatamdi, ne ung sibum lipuximdi dituxurara.”
17 Ne Pero harua ba, “Ubuimdi daharing! Daharing baing! Namua naga aharuaharua ba, ‘Unai mana am gala am gahanania na Toxoratamona.’
18 Ala ahabatia oxatua! Bagula axap lik(di) ranguam te, ning atongtongia birikdi disok mana raguna dimogu baing.”
19 Isreldi duwasa mana lipu oxata olanggamdi dibagu daxabia ba daxap mauxangana bungina daxap haruanga ba, “Labu atatua birikdi titingadinga xaidap taining taininamgu tai.”
20 Disauya Pero, baing dila gugunia Moses Aron tang. Tang diragudi mua.
21 Baing daharua ba, “Toxoratamona bagu angtang galibu baru! Bagula suxuyang namua na alibuam gabuya Pero gabu yanamindi maxadingia. Bila tang gata waxang sabanga rimadingia bu dunggam mati baing!”
Urana Hau Haruanganoa Ba Xapdi Muli
22 Baing Moses goxoya mala rangua Toxoratamona saing harua ba, “O Toxoratamona, baruta ulibu doa (ma)na lipuadi li? Baruta usoxi nga ma (li)?
23 Namua na mana bungina ngaxap haruangama ma rangua Pero, ma laing hatata, libu doa na lipuadi li, saing oxopdi muli monga te.”