6
1 Baing Toxoratamona harua na Moses ba, “Haxek sibuna li bagula ubagu axadi bagula ngalibudi (ma)na Pero. Mana rimagu haringina, bagula ngalibu (ba) yunga lipuadi ba dila. Maxuna, mana rimagu haringina, bagula sukadi sangua titinoa.”
2 Urana harua na Moses xauna ba, “Nga (ba) Toxoratamona.
3 Ngaowa masok mana Ebraham, mana Aisak xaung mana Yekop, Ngauxu nga ba Urana Haringing Sibuna. Ning yagua Toxoratamona ngabaxanga nadi te.
4 Xauna, ngahau haruangagua ranguadi bu ngasina titia Kenan nadi, titia ba duwa mana bila lobudi.
5 Xauna, nga ngalungu Isreldi digudi, adi Isipdi dituxudi ba dituxu oxatading olanggamdi, saing ngahatumia muli haruangua ngahau ba.
6 “Binabu, aharua na Isreldi ba: ‘Nga (ba) Toxoratamona, saing bagula ngaxapkang ma sangua mauxangandi axapdi rangua Isipdi. Bagula ngalubang bu awa lipuxiding oxata olanggamdi te, saing bagula ngagimgang muli rimagu haringingania xaung mana axamang haringingdi bagula ngasuxuyadi manadi.
7 Bagula ngaxapkang (bu) asok nga sibugu lipuxigudi, saing bagula ngawa Urana angia. Baing ina naga, bagula axabia ba nga (ba) Toxoratamona Urana angia, lipua xapkang ma sangua mauxangandi axapdi rangua Isipdi.
8 Baing bagula ngaxapkang mala mana titia ngahau haruangua ba ngasina na Ebraham, Aisak xaung Yekop. Bagula ngasina bu sok angia. Nga (ba) Toxoratamona.’ ”
9 Moses baxanga haruangadi li na Isreldi, ne dilungu te namua na salaga daxap oxataim olanggamia tatua hatumingadingdi.
10 Baing Toxoratamona harua na Moses ba,
11 “Ula ubala Isipdi xaitamoxidinga Pero ba yunga Isreldi ba dila sangua titianoa.”
12 Ne Moses harua na Toxoratamona ba, “(Bagu) Nabu Isreldi dilungu nga te, bing Pero bagula lungu nga baru? Namua na suxungugua mauxana!”
Moses Aron Tang Mugangading Yadingdi
13 Ne Toxoratamona harua na Moses Aron tang mana Isreldi xaung Isipdi xaitamoxidinga Pero, saing tabina dingtang ba daxap Isreldi masok sangua Isip.
14 Lipuadi li Isreldi bakbagiding yanamidingdi:
Ruben, matuaua mana Isrel, garang lupdi bing Hanok, Palu, Hesron xaung Karmi. Adi li Ruben bakbagindi yadingdi.
15 Simeon garang lupdi bing Yemuel, Ohat, Yakin, Sohar xaung Saul, Kenan haing tela garanoa. Adi li Simeon bakbagindi yadingdi.
16 Adi li Libai garang lupdi yadingdi sanga mana suxingadingdi: Gerson, Kohat xaung Merari. Libai wa sanga mana niani 137.
17 Gerson garang lupdi bing Libni xaung Simei. Dingtang bakbagidingdi mugangadingdi.
18 Kohat garang lupdi bing Amram, Ishar, Hebron xaung Usiel. Kohat wa sanga mana niani 133.
19 Merari garang lupdi bing Mali xaung Musi.
Adi ba Libai bakbagindi yadingdi sanga mana suxingadingdi.
20 Amram yau tibung hamunganoa Yokebet, saing haingga ba hayau Aron Moses tang na. Amram wa sanga mana niani 137.
21 Ishar garang lupdi bing Kora, Nepek xaung Sikri.
22 Usiel garang lupdi bing Misael, Elsapan xaung Sitri.
23 Aron yau Eliseba, ina Aminidap nanuhanginoa xaung Nason hamunganoa. Baing hainga ba hayau Nadap, Abihu, Eleasar xaung Itamar na.
24 Kora garang lupdi bing: Asir, Elkana xaung Abiasap. Adi li Kora bakbagindi yadingdi.
25 Aron garanoa Eleasar yau Putiel nanuhanging tela, saing hayau Pinias na.
Adi ba Libai bakbaging taining taining yanamidingdi.
26 Aron Moses dingtang naga Toxoratamona harua nadi ba, “Axap Isrel bakbaging taining tainina ma sangua Isip.”
27 (Ding)tang lipuadi daharua na Isipdi xaitamoxidinga Pero mana daxap Isreldi ma sangua Isip. Moses Aron (ding)tang naga dilibu bila ba.
Aron Bagula Wa Moses Lipuxing Suxunguxunguama
28 Xaikapka Toxoratamona harua na Moses mana Isip ba,
29 harua na ba, “Nga (ba) Toxoratamona. Ubala Isipdi xaitamoxidinga Pero haruanga longgalo ngabalaung manadi ba.”
30 Ne Moses harua na Toxoratamona ba, “(Bagu) Suxungugua mauxana, binabu bagula Pero lungu nga baru?”