7
1 Baing Toxoratamona harua na Moses ba, “Ulungu to. Ngalibung gusok bila Urana Pero maxania, saing sabangama Aron bagula wa lipuxim suxunguxunguama.
2 Haruanga longgalo ngatabinaung ba, bagula ubaxanga na sabangama Aron, saing ina bagula bala Pero ba yunga Isreldi ba dila sangua titinoa.
3 Ne bagula ngalibu Pero toxonoa haring, saing heku ngalibu axamang haringing xumana mana titia Isip,
4 Pero bagula lungung te. Binabu bagula ngataha Isip rimagia. Saking bagula ngaxai lipuxigudi Isreldi bakbagidingdi sangua titia Isip xaung axamang haringindi bagula ngasuxuya Isip manadi ba.
5 Baing bungina ngararia rimagua ba taha Isip xaung xai Isreldi sangua, bagula Isipdi (dibagu) daxabia ba nga (ba) Toxoratamona.”
6 Moses Aron tang dilibu (maringina/taxa) bila Toxoratamona tabina dingtang ba.
7 Moses nianindi 80 saing Aron nianindi 83 bungina daharua na Pero.
Aron Tukinoa Sok Moxa
8 Baing Toxoratamona harua na Moses Aron tang ba,
9 “Bungina Pero harua nangtang ba, ‘Alibu axamang haringina bu hatanga ba Urana soxiang ma,’ bing uharua na Aron ba, ‘Oxop tukima uting mari Pero maxania,’ saing bagula sok moxa.”
10 Binabu Moses Aron tang dila rangua Pero saing dilibu (maringina/taxa) bila Toxoratamona tabina dingtang ba. Aron ting tukinoa mari Pero gabu yanamindi maxadingia, saing sok moxa.
11 Baing Pero wagi lipu xabianga maringinamdi digabu lipu sintukkamdi dima, saing Isipdi sintukkamdi xauna dilibu kubolu taininau mana haringingading hisangamdi.
12 Taining tainina (di)ting mari tukinoa saing sok moxa. Ning Aron tukinoa ngaru tukidingdi masup.
13 Ne Pero toxonoa haringguyu saing sanga ba lungudi te, bila Toxoratamona harua ba.
Axamang Salakkam Mana Siba
14 Baing Toxoratamona harua na Moses ba, “Pero toxonoa haring buk. Hauxana ba yunga lipuadi ba dila.
15 Buraragina ula rangua Pero bungina sok mala langia. Uli uragu mana Langga Nail rubinia, saing oxop tukia xugia masok moxa ba mala rimamia.
16 Baing uharua na ba, ‘Toxoratamona, Urana mana Hibrudi, soxi nga ma bu ngaharua naung ba: Uyunga lipuxigudi ba dila, bu sanga ba disabu manga long xoliania. Ne ma laing hatata ulungu te.
17 Toxoratamona harua bila li: Bagula uxabia ba nga (ba) Toxoratamona bila li. (Bagu) bagula ngataha Nail langinoa xaung tukia li wa rimagia, saing langga bagula xugia masok sip.
18 Songgadi duwa Nail bagula dimati, saing langga saminganoa bagula doa. Isipdi bagula hauxana ba dinung mana.’ ”
19 Baing Toxoratamona harua na Moses ba, “Ubala Aron ba, ‘Oxop tukima saing uraria rimama etua mana Isip langindi—lang sabangadi xaung lang maxamaxandi xaung lang gamolingang longgalo—saing bagula duxugia masok sip.’ Siba ba bagula wa long longgalo mana Isip. Xauna, bagula wa maluxuʼm nanggola xaiamdi xaung nanggola sianggamdi.”
20 Moses Aron tang dilibu (maringina/taxa) bila Toxoratamona tabina dingtang ba. Iti tukinoa Pero gabu yanamindi maxadingia saing taha Nail langinoa, saing langga longgalo xugia masok sip.
21 Songgadi duwa Langga Nail dimati, saing saminoa doa buk binabu sanga ba Isipdi dinung mana te. Siba wa mana long longgalo mana titia Isip.
22 Ne Isip lipu sintukkamdi dilibu kubolu taninau mana haringingading hisangamdi, saing Pero toxonoa haringguyu. Bagula lungu Moses Aron tang te, bila Toxoratamona harua ba.
23 Ne xugia mala ila numia, saing hatum xumana monga te.
24 Baing Isip longgalo diki Langga Nail rubinia bu daxap lang nungingam, namua na sanga ba dinung mana Nail te.
Axamang Salakkam Mana Haxinggudi
25 Xaidap 7 dila disup kimuya mana Toxoratamona taha Langga Nail.