126
Pukurlpa-ya Marlaku Pitjangu
Mama Kuurrtu-lanyatju ngurra nyarra Papulantanguru marlakulu katingu Tjurutjamalakutu.
Palunyangka-latju kulirnu tjukurrtjuranytja-latju.
Yikarringkula-latju pukurlpa mirrarranytja.
Nyangka yarnangu kutjupatjarralu-lanyatjuya tjumara watjaranytja,
“Mama Kuurrtu-tjanampa yayirninytjulu kutjupa-kutjupa palyarnu.”
Yuwa mularrpa Mama Kuurrtu-lampatju yayirninytjulu kutjupa-kutjupa yutirnu.
Nyangka-latju pukurlpa mularrpa nyinarranytja.
 
Yuwa Mama, yungarrapirti nyarra Papulanta-ya tirtu nyinarra,
palunyanya-tjananya marlakulu kati.
Nyangka-latjuyi pirni nyinama.
Tjiinyakurlu kapi punkannyangka warnanpa kukurrmanama karrungka, palunyapirinypa.
Yuwa Mama, nyawa-tjananya nyarra-ya yulatawarralu yurninypa pirni makatingu parnangka tjunkulanyangka.
Nyangkayi paka-pakannyangka mirrka purlkarriwa.
Nyangka-yayi ngula mirrka purlkanya yurraralpi pukurlpa pitjama.
Yuwa, yarnangu pirni nyarra yulatawarralu-ya yurninypa pirni makatingu mantangka tjunu.
Palunyatjinnga-ya nyinarrayilku ngula mirrka purlkanya yutirrinyangka mirratawarralu yurrara pukurltu katima.
Pukurl-pukurlpa-ya ngurrakutu pitjama.