112
1 Mujumirye Musengwa!
Ali nʼekabi oyo atya Musengwa,
asangaalira bugali ebiragiro bibye.
2 Abaana babe banaabenga bʼamaani hu hyalo huno.
Olulyo lyʼomugwalaafu luja husuna ekabi.
3 Obusuni nʼobuŋinda binabenga mu mago gage
era ebiraŋi ebi bahola bija hubaaŋo emirembe nʼemirembe.
4 Enjase yaduhira ahola ebiruŋamu wayire mu hiirema,
omuutu oyo ali nʼehisa nʼehyere ko nʼobugwalaafu.
5 Gesiimire oyo omugabi era aŋola aŋaŋuma humuŋalirisa
era omwesigwa mu hiisi ehi ahola.
6 Mu butuufu oweene ŋaŋuma ehija humuteetemya,
omuutu omugwalaafu, baja humuhebulira emirembe nʼemirembe.
7 Saaja hutya huŋulira maŋuliro amabi,
olwohuba gesiga Musengwa ohumulabirira.
8 Omwoyo gugwe mugumu, saaja hutya
aja huheneresa nʼaŋanguuye abalabe babe.
9 Gagabira abagadi nʼehyere
era balihebulira ehyere hihye emirembe nʼemirembe.
Era aja huba wʼamaani oyu baatu baŋa eŋono.
10 Ebyo abahosi bʼebibi ni babona,
bibaleetera ohuluŋa era beninala.
Ohuŋemba hwʼomuhosi wʼebibi sihuja hwolerera.