113
1 Mujumirye Musengwa.
Mujumirye Musengwa, enywe abaŋeeresa babe,
Mujumirye Musengwa.
2 Leha Mujumirye Musengwa
hatyane era emirembe nʼemirembe.
3 Ohuŋwa eryuba eyi liŋwera ohwola eyi ligwira mu maaji,
abaatu bajumiryenga Musengwa.
4 Musengwa aŋuga amawanga gosigosi,
eŋono lirye lyaŋamugulu bugali ohuhiraho egulu.
5 Eŋuma ali hya Musengwa Hatonda weefe,
oyo owihaaye hu tebe eyʼobuŋugi ŋamugulu.
6 Nʼali eyo ahotama gahubba emoni
hu ebiri hwigulu nohu hyalo.
7 Atusa abagadi mu fuuhe
era ayeeda abali mu wetaavu,
8 gabeehasa ŋalala nʼabahombe,
abahombe abaŋuga abaatu babe.
9 Aŋamba omuhasi omugumba gamwihasa mu bufumbo
era gamuŋa nʼolusaaye.
Mujumirye Musengwa.