114
1 Abayisirayiri ni baŋwa e Misiri,
enyumba ya Yakobbo ohuŋwa mu baatu abaloma olulimi olwenjabulo,
2 ehyalo hya Yuda hyafuuha
hifo hya Musengwa ehyawufu,
Yisirayiri abaatu babe.
3 Ni boola hu nyanja Enando,
amaaji gababona gabaduluma.
Amaaji gomu lwabi Yoludaani, gagamayo enyuma.
4 Esozi jamaduha hyʼetaama emiigu,
eŋingi jamaduha hyʼenyana jʼetaama.
5 Lwahiina nyanja ewe womeera?
Lwahiina ewe Yoludaani
wabaŋwereŋo wagamayo enyuma?
6 Lwahiina enywe esozi mwamaduha hyʼetaama emiigu?
Lwahiina enywe eŋingi mwamaduha hyʼenyana jʼetaama?
7 Ewe ehyalo teetema olwa Musengwa,
olwa Hatonda wa Yakobbo,
8 owafuula olwanda hidiba hyʼamaaji,
ebaale egumu galifuula sulo jʼamaaji.