142
Olwembo lwa Dawudi, esaala naali mu pungulu.
1 Neriririra Musengwa nʼejanjaasi eryʼamaani
Musengwa gapambire ehisa.
2 Mujofumulira ohwemulugunya hwange,
mulomera ebigosi byange.
3 Mula omwoyo gwange ni guba ni gunafuŋire,
ndiiwe amanyire ehi ndi nʼohuhola.
Abaatu bategire omutego, mu ngira omu mbita.
4 Ni keja hu muhono omulungi ohubona owohunjeeda, ŋaŋuma owufaaho.
Puma aŋohweŋogoma era eŋuma alumirwa obulamu wange.
5 O Musengwa, ndiiwe oyu neriririra, ndoma ti, “Ndiiwe omuneŋogoma
era oyu netaaga mu bulamu buno.”
6 Ŋulira ohwerira hwange olwohuba ndi mu wetaavu owʼamaani,
nunule ohuŋwa mu balabe bange olwohuba baasinga amaani.
7 Mboŋolole ohuŋwa mu komera konyo sobole ohuhujumirya.
Ehyo hija huleetera abagwalaafu ohuneswanigirisa olwʼobulaŋi wuwo.