23
Ezabbuli ya Dawudi.
1 Musengwa njʼowunjemera,
mbula hyosihyosi ehi nahayenga.
2 Gandeha nagandaala mu muloofe,
gapira aŋali amaaji amateehi.
3 Agobosa obulamu wange bunyaaha,
gatangirira mu ngira enduŋamu ngʼolu gasuubisa.
4 Wayire ngendera ŋagati wʼehisisigo hyʼohufa,
ŋaŋuma ehi nja hutya olwohuba oli ŋalala ni neese,
oluga nʼesimbo yiyo bimbudabuda.
5 Wutegehera ehiiŋulo abalabe bange ni balengereeye.
Wunjuhaho amafuta hu mutwe agaleeta ekabi,
ehihopo hyange hijuuye paka nohu muniga.
6 Mu butuufu oweene,
ehisasabirisi nʼohwenda huhwo binabenga ni neese mu bulamu wange wosiwosi,
era nja humenya mu nyumba ya Musengwa emirembe nʼemirembe.