24
Ezabbuli ya Dawudi.
1 Ehyalo nʼebiitu byosibyosi ebihirimo bya Musengwa,
ehyalo ko nabosibosi abahirimo babe.
2 Hiri hiityo olwohuba njʼowahitongola hu nyanja
era gagumya omusingi gwahyo hu maaji.
3 Njʼani asobola ohuniina hu lusozi lwa Musengwa?
Era njʼani asobola ohwemeerera mu hifo hihye ehyawufu?
4 Njʼoyo ali nʼemihono emirongoofu era nʼomwoyo omugwalaafu,
oyu bulamu wuwe wutaŋemba hu bitali Hatonda
wayire ohulayira ebinambulamo.
5 Oyo alisuna ekabi ohuŋwa eyiri Musengwa
era Hatonda omunoŋosi wuwe alimufuula mugwalaafu.
6 Abo njʼabaatu abʼomulembe ogumwendula,
abendula Hatonda wa Yakobbo.
7 Enywe emiryango emihalehale mweyigule,
njigi enywe ekalekale mweyigule
Habaha owʼeŋono gengire.
8 Njʼani Habaha oyo owʼeŋono?
Nje Musengwa owʼamaani nʼobuŋangi,
Musengwa omusira nʼasoola.
9 Enywe emiryango emihalehale mweyigule,
njigi enywe ekalekale mweyigule
habaha owʼeŋono gengire.
10 Njʼani habaha oyo owʼeŋono?
Musengwa Omwene Maŋe nje habaha owʼeŋono.