43
1 O Hatonda, njeede obe puliida wange eyiri egwanga eritahujumirya.
Ponie abaatu abadulingi era abahosi bʼebibi.
2 Ndiiwe Hatonda obukuuma.
Lwahiina wukubba omugongo?
Lwahiina siiba ni neŋunamiiye, abalabe bange ni bakiyaania?
3 Pindihire enjase yiyo nʼamazima gago,
leha bitangirire, leha binjose hu lusozi lulwo olwawufu, ehifo omu omenya.
4 Nja hutiina hu hituuti hya Hatonda
eyiri Hatonda, esangaalo lyange era owunesiimisa.
Ndihubba ahatongooli ni kujumirya
O Hatonda, Hatonda wange.
5 Lwahiina neŋunamira?
Lwahiina omwoyo gwange gugulungutana?
Esuubi lyange ndita mu Hatonda, olwohuba ndigobolamo namujumirya
oyo omunoŋosi wange era Hatonda wange.