53
Yʼomutangirisi wʼabembi. Masikili ya Dawudi.
1 Omuŋubeebe aloma mu mwoyo gugwe ati, “Ŋaŋumaaŋo Hatonda.”
Abahosi bʼebibi, ebi bahola byambiho.
Era ŋaŋuma wayire mulala ahola ehiraŋi.
2 Hatonda aba mwigulu
galengerera baatu ŋaasi hu hyalo,
abone oba ŋaliŋo omuutu yesiyesi ategeera,
yesiyesi amwendula.
3 Aye bosibosi babbaama, bosibosi ŋalala bahola ebibi.
Era eŋuma wayire mulala ahola ebiruŋamu eŋuma wayire mulala.
4 Abahola ebibi sibaja hwega?
Bahenireeŋo ohulya abaatu bange oti balya mere era sibasunga Hatonda ohubayeeda.
5 Aye bulihya lulala jabagaana olwohuba Hatonda aja husalaania amagumba gʼabalabe babe.
Era esoni jija hubaŋamba Hatonda nʼabahubbire omugongo.
6 Era saba ti omuutu aŋwe mu Sayuuni anunule Yisirayiri!
Hatonda nʼaligobosa abaatu babe bunyaaha
leha olulyo lwa Yakobbo lusangaale era Yisirayiri asaŋalye!