70
Yʼomutangirisi wʼabembi. Ya Dawudi. Ohwegayirira.
1 O Hatonda, yinyoheramo wununule
O Musengwa, yanguŋaho wunjeede.
2 Leha abenda ohunjita baswale
leha abo abasangaalira ohufafaagana hwange
bagameyo ni bawomboŋaaye.
3 Leha abo abandoma baati, “A a! Hwahulomera!”
Bagameyo ni baswaye.
4 Aye leha abo bosibosi abahwendula
basangaale era basaŋalye olwʼewe
era leha abo abenda obunoŋosi wuwo balomerenga ŋamugulu baati,
“Nga Hatonda wʼamaani!”
5 Aye ndi mugadi era ndi mu wetaavu,
O Hatonda, nja mangumangu.
Ndiiwe Musengwa obunjeeda era obununula, otalwa hunjeeda.