8
Yʼomutangirisi wʼabembi. Ohutiinira hu gitisi. Ezabbuli ya Dawudi.
1 O Musengwa, Musengwa weefe,
ngʼoli wʼamaani mu hyalo hyosihyosi!
Era eŋono liryo lyaŋamugulu ohuhiraho egulu.
2 Wagunjula abaana abaŋere nʼebiwegera ohuhujumirya.
Mu ngeri eyo wasimya abalabe babo.
3 Ni keja hwigulu eri watonda
nʼomwesi nʼemunyeenye ebi wata aŋa biri,
4 omuutu njʼani ohuba ti omuŋeegaho
era omwana wʼomuutu njʼani ohuba ti omulumirwa?
5 Wahola omuutu ŋabuliraho ŋadiidiri ohuba hyʼabamalayika.
Era wamwambasa engule eyʼeŋono.
6 Ngʼomuŋa nʼobuŋangi hu biitu byosibyosi.
Era wamwambasa engule eyʼeŋono.
Wamuŋa ohuŋuga ebiitu byosibyosi ebi watonda,
7 etaama nʼeŋombe josijosi
ko nʼesolo ejomwisugu
8 nʼenyuni ejomu bbanga nʼenyeeni ejomu nyanja
nʼebitonde ebindi byosibyosi mu nyanja.
9 O Musengwa, Musengwa weefe,
ngʼoli wʼamaani mu hyalo hyosihyosi!